Tolosan izan da Eusko Jaurlaritzak 345 ETE enpresa berritzaile gisa akreditatzeko bigarren jardunaldia

2021-09-30
  • ETEak akreditatzeko bigarren jardunaldia gauzatu da irailaren 30ean, 9:30etan, Tolosako Lehiberri zentroan, Tolosaldea Garatzen eskualdeko eskualdeko garapen agentziaren egoitzan.
  • Tolosaldea, Goierri, Donostialdea eta Andoaingo 44 ETEk enpresa berritzaile egiaztagiria jaso dute, SPRI Taldearen Hazinnova programan eta Innobasque Berrikuntzaren Euskal Agentzian parte hartu ondoren.
  • Ekitaldian izan dira Aitor Urzelai, SPRI Taldeko zuzendari nagusia; eta Gotzon Bernaola, Enpresa Berrikuntzarako koordinatzaile nagusia.
  • Hazinnovak 2,4 milioi euroko inbertsioa suposatu zuen, eta bigarren edizioa abenduaren 2ra arte egongo da irekita.
  • Euskadik berrikuntzaren alde egindako apustuaren adibideetako bat da Hazinnova programa. Lehen aldiz, Euskadiren berrikuntza-indizea Europa Batasuneko batez bestekoaren gainetik dago (103,6 da EBkoa 100 izanik).

342 ETE euskaldunek enpresa berritzaile gisa Eusko Jaurlaritzako Garapen Ekonomiko, Jasangarritasun eta Ingurumen Sailaren akreditazioa jasoko dute, datozen bi hilabeteetan, SPRI Taldeak eta Innobasquek kudeatzen duten Hazinnova programan parte hartu ondoren. Akreditazio honek enpresek euren jardueretako arlo desberdinetan berrikuntza ezartzearen balioa aitortzen du. Irailaren 23an hasi zen Durangon eta eskualdeko bederatzi topaketetako bigarrena Tolosan izan da.

Ekitaldia Tolosako Lehiberri Zentroan burutu da, 9:30etan. Bertan egon dira Aitor Urzelai, SPRI Taldeko Zuzendari Nagusia, eta Gotzon Bernaola, Enpresa Berrikuntzarako koordinatzaile nagusia.

Bigarren topaketa honetan Tolosaldea, Goierri, Donostialdea eta Andoain inguruko 44 enpresek jaso dute akreditazioa beren produktuetan edo negozio-prozesuetan (fabrikazioa, logistika, merkaturatzea eta administrazioa eta finantzak) berrikuntza sustatzeko neurriak ezarri eta dagoeneko merkatuan duten kokapena hobetzen duten emaitzak lortu ondoren.

Jardunaldian, Eusko Jaurlaritzaren Hazinnova zerbitzuaren, SPRIren eta Innobasqueren ordezkariez gain, proiektu hauek abian jartzeko aholkularitza eman duten tokiko eragileak ere bertan egon dira ETEekin batera: AFM, Beterri Buruntza Udala, Elikaduraren Clusterra, Goieki, Hegan, Uggasa eta Ikertalde.

Eskualdeko berrikuntza-prozesuetan parte hartu duten, eta ondorioz, saria jaso duten enpresak hauek izan dira:

  1. Congelados Garoa S.L.
  1. IZT Servicios Tecnicos Informaticos S.Coop.
  1. RIVESTOP SL
  1. Grupo Urola Alimentación XXI S.L.
  1. Jamai Technical Service S.L.
  1. Bidapro S.L.
  1. Dastatzen S.L.
  1. Estalkipack S.L.
  1. HERREKOR S.L.
  1. Suministros de Utillaje de Precision Suizos S.L.
  1. Cárnicas Iruki S.L.
  1. GOMAVIAL SOLUTIONS S.L.
  1. Composites Legazpi S.L.
  1. MANIPULACION MENDIZABAL S.L.
  1. Irudek 2000 S.L.
  1. Laser Oria S.L.
  1. Calderería Mecanizada Aitzgorri S.L.
  1. Kalpe Soldadura S.L.
  1. Egimendi Nekazal Tresnak S.L.
  1. San Miguel Garraioak 1961 S.L.
  1. TALLERES GUIBE SA
  1. Panadería y Pastelería Garín S.L.
  1. Talleres Kimu S.A.L.
  1. Euskal Baserri Bat S.L.
  1. LAVANDERIA LIZARRA S.L.
  1. Calderería Aizkorri S.L.
  1. MECANIZADOS LEGAZPI S.A.L.
  1. EUROKARPA S.L.
  1. Geroari S.L.
  1. Bodegas Elósegui S.L.
  1. Quesos Aldanondo S.L.
  1. Embutidos San José S.L.
  1. Isastegi Sagardotegia S.L.
  1. Representaciones Deportivas Asper S.L.
  1. Talleres Bidegain S.A.
  1. Ekicontrol S.L.
  1. Mecanizados Alkain S.L.
  1. ARTUKOLUKE S.L.
  1. EGUMENDI S.L.
  1. Illargui S.A.
  1. Modelos Ezguba S.A.
  1. ISARO BERRI,S.L.
  1. Comercial Urraki S.L.
  1. Talleres Mecánicos Telleria S.A.

 Hazinnova aitortzak jarduera berritzaileetako euskal ETEei

Irailaren 23tik azaroaren 18ra bitartean 9 jardunaldi egingo dira Araba, Bizkaia eta Gipuzkoako eskualdeetan. Topaketen helburua da parte hartzen duen enpresa bakoitzari, -guztira 395 berrikuntza-proiektu (164 Bizkaian, 155 Gipuzkoan eta 76 Araban) programa honetan aitzindariak- eskerrak ematea eta enpresa horiek berrikuntzaren euskal ekosisteman sartu direla egiaztatzea.

Enpresa txiki eta ertainek berrikuntzaren alde egin duten lana funtsezkoa izan da Euskadi lehen aldiz berrikuntza-indizean Europar Batasuneko batez bestekoaren gainetik egon dadin (103,6 EBko 100 aldean), Eskualdeko Berrikuntzaren Taula 2021 delakoaren arabera. Lurralde gisa lortu den berrikuntza maila alturaren aitortza hau Euskal enpresek egiten duten lan handiaren ondorio da, Hazinnovako programan parte-hartu duten ETEak bezala, besteak beste.

Hazinnova jardunaldien egutegia:

  • Durango, irailak 23
  • Tolosa, irailak 30
  • Llodio, urriak 7
  • Gasteiz, urriak 14
  • Azkoitia, urriak 21
  • Irun, urriak 28
  • Barakaldo, azaroak 4
  • Bilbo, azaroak 11
  • Zamudio, azaroak 18

Hazinnova programa

Hazinnova programak 2,4 milioi euroko aurrekontua du. Berrikuntza ez-teknologikoan espezializatutako aholkularitza eskaintzen du, negozio-prozesuetan, produktuetan edo alor berritzaileetan berrikuntza dakarten mikroproiektuak dituzten ETEentzat: fabrikazioa, logistika, merkaturatzea eta administrazioa eta finantzak.

Hazinnova berrikuntzan hasten ari diren enpresei zuzenduta dago; proiektu puntualetan (50 orduko aholkularitza), denbora mugatuan zehar (3 hilabete) eta bere jarduera-eremuan eragin handia duten proiektuetan dihardu. Finantzazia %100ekoa da, aldez aurretik dagokion lizitazio publikoa lortu duten aholkularitza enpresen artean egindako hautatutako aholkulariari ordainduz. 

Hazinnova doako aholkularitza eta bidelaguntza zerbitzua da, enpesa bakoitzari lana antolatzeko edota produktu eta zerbitzuak merkaturatzeko modu berriak ezartzera bideratuta.

Hazinnovari esker aholkua ematen zaie helburu hauek dituzten berrikuntza-mikroproiektuei:

  • enpresaren kudeaketa ekonomiko-finantzarioa eta estrategikoa hobetzea eta errentagarritasuna kontrolatzea.
  • ekoizpen-prozesuak hobetzea eta enpresaren produktibitatea, kalitatea, jasangarritasuna edo segurtasuna handitzea.
  • pertsonen kudeaketa hobetzea eta haien konpromisoa eta motibazioa areagotzea.
  • bezeroen ezagutza, arreta edo leialtasuna hobetzea eta merkatu-kuota handitzea.
  • hornikuntza edo banaketa-katea hobetzea eta bezeroei zerbitzua emateko edo hobetzeko gastuak eta epeak murriztea.
  • administrazio-prozesuak berriz diseinatzea eta enpresaren eraginkortasuna hobetzea.
  • produktu/zerbitzuak (berriak edo lehendik daudenak) merkatu berrietara egokitzea (nazionalak, nazioartekoak edo sektore berriak), edo enpresaren marketina egokitzea eta merkatu geografiko edo bezero-segmentu berrietara iristea.
  • produktuei dagozkien irtenbideak identifikatu eta ezartzea, negozio-bolumena handitzeko.

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
  • Aitor Urzelai Inza
    SPRI - Enpresa Garapenerako Euskal Agentziako zuzendari nagusia (XII legealdia)
Beste gonbidatu batzuk
  • Gotzon Bernaola, Enpresa Berrikuntzarako koordinatzaile nagusia