Berriak Segurtasuna

Emakume bat erreskatatu dute Araba eta Burgos arteko mendi batean

2021-09-23

Gaur arratsaldeko lehenengo orduan, Euskadiko Larrialdietako Zerbitzuek 70 urteko emakume bati lagundu diote Burgos eta Araba artean dagoen Valdelamediana mendi gailurrean. Ertzaintzaren helikopteroak erreskatatu du emakumea, eta inguruan zain zuen anbulantziara ebakuatu du, eta honek Santiago ospitalera eraman du.

Erreskatea gaur arratsaldeko ordu bi eta erdiak aldera egin dute Arabako Gaubea eta Villafría de San Zadornil artean dagoen Valdelamediana gailurrean.   

Gaztela-Leongo SOS zerbitzura egindako dei baten bidez jakitera eman dute 70 urteko emakume bat erori dela mendian eta zailtasunak zituela aurrera jarraitzeko. Berehala mobilizatu dituzte Ertzaintzaren helikopteroa eta Zaintza eta Erreskate Unitateko agenteak, eta istripua izan duen emakumea aurkitu ondoren hurbilen dagoen Burgosko herrira eraman dute. Bertan zain zeuden osasun-zerbitzuek eraman dute anbulantzian Gasteizko Santiago ospitalera. Biktimak kolpeak eta ebakiak zituen erorikoaren ondorioz.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko