Berriak Segurtasuna

Polizia eta Larrialdietako Euskal Akademia udaltzainak eta Udaltzaingoko laguntzaileak hautatzen hasiko da Euskadiko udaletan ordezkapenak egiteko

2021-09-22
  • Helburua da udalei bi lanbide-kategorietako lanpostu hutsak arintasunez eta eraginkortasunez betetzen laguntzea
  • Bitartekoen lan-poltsetan sartzeko probak datorren astean hasiko dira: asteartean, hilaren 28an, Udaltzaingoko laguntzaileenak eta urriaren 23an udaltzainenak, eta biak Barakaldoko BECen egingo dira

Datorren astean hasiko dira Barakaldoko BECen bitarteko langileen bi lan-poltsa osatzeko hautaketa eta prestakuntza probak: bat udaltzainak ordezkatzeko eta bestea Udaltzaingoko laguntzaileentzat. Polizia eta Larrialdietako Euskal Akademiak (PLEA) abian jarri dituen bi hautaketa-prozedura hauen helburua da Euskadiko udalei, batez ere txikiei, bi lanbide-kategorietan hutsik dituzten plazak berehala bete ahal izateko pertsona prestatuak eta gaituak izaten laguntzea.

Udaltzaingoko bitarteko agenteen lan-poltsa sortzeko deialdian 2.395 pertsona daude izena emanda eta laguntzaileen lan-poltsa sortzeko deialdian 1.970.

Bi hautaketa-prozedurak oposizio-sistemaren bidez egingo dira, eta nortasun probak eta ariketa psikoteknikoak egingo dira. Proba horiek gainditzen dituztenek lanpostuari dagokion prestakuntza espezifikoa jasoko dute, eta hori gainditzen dutenean, eta ezagutzak neurtzeko probaren ondoren, bitartekoen lan-poltsetan sartuko dira. Akademiak urtea amaitu aurretik jarriko ditu lan-poltsa horiek Euskadiko udalen eskuetan.  

DATUAK ETA DATAK

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko