Berriak Segurtasuna

Euskadiko Larrialdi Zerbitzuek bi pertsona erreskatatu dituzte Eibarren eta Muruan

2021-08-27

Euskadiko Larrialdi Zerbitzuek 51 urteko gizon bat erreskatatu dute gaur goizean, bere semearekin batera Garagoiti mendiko (Eibar) gailurrera iristen ari zenean konortea galdu ondoren. Ordu batzuk geroago, mendizale bat erori egin da Muruako harrobietatik Gorbeia mendira igotzen ari zenean, eta, erreskatatu ostean, Santiago Ospitalera eraman dute.

Goizeko hamarrak eta erdi inguru, gizonezko batek SOS-Deiak larrialdi-zerbitzuari deitu dio osasun-laguntza eskatzeko, bere aitak, 51 urtekoa, konortea galdu baitu, biak Eibarko (Gipuzkoa) Garagoiti mendiaren gailurrera iristear zeudenean.  

Eibarko Ertzain-etxeko patruila bat eta Zaintza eta Erreskate Unitateko Mendiko Ataleko agenteak eta Ertzaintzaren helikopteroa mobilizatu dira. Biktimak konortea berreskuratu du, eta Mendaroko Ospitalera eraman dute.

Mendizale batek istripua izan du Gorbeiara igotzean

Arratsaldeko ordu bata eta hogeian, SOS-Deiak larrialdi-zerbitzuari ohartarazi diote mendizale bat, 50 urteko emakumezkoa, erori egin dela Muruako harrobietatik (Araba) Gorbeiara igotzen ari zenean eta orkatilan min hartu duela. Ertzaintzako agenteak eta suhiltzaileak istripua izan duen lekura hurbildu dira, eta, azkenean, Zaintza eta Erreskate Unitateko helikopteroak aurkitu eta erreskatatu du zauritutako mendizalea. Ondoren, anbulantziako osasun-langileek artatu, eta Gasteizko Santiago Ospitalera eraman dute.

2 iruzkin
  • 2021-08-29

    Errenta eskuragarriaren maila txikiagora arte itxaron daiteke, eta aldaketa klimatikoaren astinduekin gauzak lehenago zahartzen direla dirudi, jabetzaren prezioa mantentze handiagoagatik jaisten bada, oraindik prezio espekulatiboak izan ditzake, leku batzuetan burbuilak sortuz.

  • 2021-08-29

    Se puede esperar a menor nivel de renta disponible y con los azotes embate cambio climático parece envejecer antes las cosas, bajen el precio de las propiedades por mayor mantenimiento puede tener todavía precios especulativos creando burbujas en ciertos lugares.

Iruzkinak itxita daude dokumentu honetan