Berriak Hezkuntza

37,5 milioi euro itunpeko ikastetxeentzat, Covid-19ren aurkako prebentzio-protokoloak aplikatzearen ondoriozko gastu gehigarrietarako (Gobernu Bilera 2021-7-27)

2021-07-27

Gobernu Kontseiluak gaurko bilkuran onartu du, Hezkuntzako sailburuaren proposamenez, zuzeneko diru-laguntzak ematea hezkuntza-ituna indarrean duten EAEko ikastetxeei, 2021-2022 ikasturtean Covid-19aren aurkako prebentzio-protokoloek eskatutako neurri jakin batzuk aplikatzearen ondoriozko gastu gehigarrietarako. Itunpeko ikastetxe bakoitzak jaso beharreko zenbatekoa zehazteko irizpideak ikastetxe publikoetarako erabiltzen diren berberak izango dira.

Erabaki honen xede diren gastu gehigarriak ordaintzeko erabiliko den zenbatekoa 37.565.167,15 eurokoa da, eta aurrekontuan honela banatuko da:

 -         2021. urtean: 13.665.715,03 €

-         2022. urtean: 23.899.452,12 €

 Egungo egoera epidemiologikoa dela eta, Hezkuntza Sailak beharrezkotzat jotzen du irakasleentzako hezkuntza-errefortzuko neurriei eustea COVID-19a dela eta, 2021-2022 ikasturterako.

Eusko Jaurlaritzak ikasgeletako presentzialtasunaren aldeko apustu sendoa egiten jarraitzen du. Segurtasun-protokoloak errespetatzea ahalegin gehigarria da ikastetxeetako zuzendaritzentzat, zentroko giza baliabideen kudeaketa planifikatzeko orduan.

Datorren ikasturtea normaltasuneranzko trantsizio-ikastaro gisa aurkezten da, non pandemiak eragindako zailtasun asko egokitzea eta gainditzea lehenetsiko den. Ondorioz, beharrezko egokitzapenari eta horren ondoriozko berrantolaketa akademikoari aurre egiteko, ezohiko baliabideak eduki beharko dira normaltasun eta agertoki berrietara arrakastaz iritsi ahal izateko eta, horrela, etorkizuneko erronka akademikoetara lasaitasun, ziurtasun eta sendotasun handiagoz egokitzeko. Irakasleen kontratazio gehigarriei eusteak 2021-2022 ikasturtearen hasierak ekarriko duen normaltasun berriari lasaiago aurre egin ahal izatea ekarriko du.

 

2 iruzkin
  • 2021-08-12

    Y estáis seguros que todo el dinero que se da a los centros se destina a eso?
    Porque desde los AMPA sabemos de primera mano que eso no es así, que las direcciones de los propios centros lo saben, y que falsean la documentación.
    ¿Que control se les está llevando?
    Si es que se les lleva claro!

  • 2021-08-12

    Inimaginable los chanchullos que hacen luego los centros, que consiguen que AMPAS paguen facturas y luego las presentan como si lo hubiesen pagado ellos. Y dinero para las buchaca.
    Nos estafan, pero seguiréis mirando a otro lado. Y volvereis a darles dinero.
    Investigado donaciones de AMPAS, que ahí está la clave.

Iruzkinak itxita daude dokumentu honetan
Komunikabideek behera kargatzeko