Astekonomia erakundeak gaur jaso du euskal autonomia erkidegoko BPGren hazkundea urteko bigarren hiruhilekoan, bai eta lan-merkatuaren bilakaera

2021-07-23

Astekonomia txostenean jasotzen den adierazle ekonomikoen asteko laburpena hiru ataletan banatzen da gaur. Lehenik eta behin, Eustaten kontu ekonomikoen aurrerapenaren arabera, EAEko BPGa % 18,5 hazi zen bigarren hiruhilekoan. Tasa hori Ekonomia eta Plangintza Zuzendaritzak ekainean egindako aurreikuspena (% 18,1) baino pixka bat handiagoa da.

Bigarrenik, lan-merkatuaren bilakaerari erreparatzen zaio. Eustaten arabera, enplegua, lanaldi osoko lanpostu baliokideetan neurtuta, % 16,6 hazi zen aurtengo bigarren hiruhilekoan, 2020ko aldi berarekin alderatuta. Tasa horren arabera, ia 941.000 lanpostu daude guztira EAEko ekonomian aldi horretan.

Bestalde, epe berean, langabezia-tasa % 10,3ra jaitsi da Euskadin, Eustatek argitaratutako kalkuluen arabera. Horrek esan nahi du zortzi hamarren jaitsi dela aurreko hiruhilekoarekin alderatuta. Gainera, 2020ko batez bestekoa (% 10,6).

Eta, azkenik, laburpen horrek jasotzen du industria-prezioak % 6,7 igo zirela ekainean, 2020ko hilabete berarekin alderatuta. Nabarmentzekoa da petrolioaren fintzearen ( % 31,1) eta, oro har, energiaren (% 17,3) garestitze handia. Bitarteko ondasunak ere, lehengaiak barne, batez bestekoa baino gehiago garestitu ziren ( % 7,8).

Asteroko laburpen hau Ekonomia Zuzendaritzak egiten du, "Astekonomia" izenarekin, eta gutxi gorabehera minutu bateko iraupena duten bideo hauen oinarria da. Horrela, Ekonomia eta Ogasun Sailak mota horretako edukiak zabaltzeko modu berri bat jarri du martxan, horien irismena zabaltzen saiatzeko; kasu honetan, ikus-entzunezko formatuan. Bideo horiek Sail honek sare sozialetan (Instagram, Lindekin, Youtube eta Twitter, batez ere) eta Irekian dituen profiletan partekatzen dira.

Oraindik ez dago iruzkinik
Iruzkinak itxita daude dokumentu honetan