Euskadik ASTEKLIMA Klima eta Energiaren Astea ospatuko du irailaren amaieran

2021-07-12

 

  • Eusko Jaurlaritzako Ekonomiaren Garapen, Jasangarritasun eta Ingurumen Sailak sustatuko du, EEE eta Ihobe erakunde publikoen bidez, 2021eko irailaren 24tik urriaren 3ra bitartean.

  • Jarduera-programa zabal batek herritarrak mugiaraztea bilatuko du, berotze globalaren eta trantsizio energetikoaren eta klimatikoaren aurrean.

  • Ihobek tokiko proiektuetarako diru-laguntzen deialdia ireki du, udalerriek ASTEKLIMArekin bat egin dezaten.

Irailaren 24tik urriaren 3ra, ASTEKLIMA Euskadiko Klimaren eta Energiaren Astearen bigarren edizioa egingo da. Eusko Jaurlaritzako Ekonomiaren Garapen, Jasangarritasun eta Ingurumen Sailak sustatzen du ekimen hori, EEE eta Ihobe erakunde publikoen bidez, herritarrak ezinbesteko trantsizio energetiko eta klimatikoari buruz kontzientziatu eta mobilizatzeko.

Pandemiaren ondorioz ASTEKLIMA bertan behera utzi zen 2020an, baina Euskadiko Klima eta Energiaren Astearen bigarren edizio honek hiru lurralde historikoetako jarduera-egutegi zabala eskaini nahi die herritar guzti-guztiei. 

2019ko edizioan, ehun jarduera inguru antolatu ziren EAEko 49 udalerritan, klima-aldaketa herritarren agendan jartzeko eta kontzientziatzeko, bai eta herritarrak beren eguneroko ohituretan jarduera zehatzekiko konpromiso pertsonalerantz bultzatzeko ere, ekintza orok, txikia izan arren, garrantzitsua dela kontuan hartuta.

Tokiko erakundeentzako diru-laguntzak

Horretarako, Ihobe sozietate publikoak 50.000 euro bideratuko ditu Euskadiko udal eta toki-erakunde publikoetara, beren udalerrietan herritarrak sentsibilizatzeko ekintzak gauzatu ditzaten.

Udal eta toki-erakundeetarako laguntzen deialdi horren bidez, ekimen ugari lagunduko dira diruz, hala nola hitzaldiak, jardunaldiak, tailerrak, erakusketak, ipuin-kontaketak, zinema, antzerkia, bideo- edo argazki-lehiaketak, bisita gidatuak edo ate irekien jardunaldiak. Euskadiko udal, eskualde-bulego, mankomunitate, kuadrilla eta garapen-agentzia guztiek jaso ahal izango dituzte laguntza horiek. Dirulaguntza jasotzeko aukera izango dute soilik 2021eko irailaren 24aren ondoren hasi eta 2021eko urriaren 3an amaituko diren ekintzak.

Eskabideak aurkezteko epea 2021eko uztailaren 26tik 2021eko irailaren 10era bitartean egongo da zabalik, eta eskabide guztiak telematikoki izapidetuko dira.

Laguntzen deialdi honi buruzko informazio guztia Ihoberen webgunean dago eskuragarri.

2 iruzkin
  • 2021-07-12

    Klima eta autosufizientzia energetikoari buruzko eztabaida garrantzitsua, irteerak ikustea ez dadila inor atzean geratu.

  • 2021-07-12

    Debate importante lo del clima y autosuficiencia energética, ver salidas no quede nadie atrás.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak