Berriak Lehendakaritza

Lehendakariak ziurtatu du Euskadik potentziala duela bioteknologiarako berrikuntza-zentro bihurtzeko munduan

2021-06-30
  • "Fabrikazio-, ekoizpen-, logistika- eta banaketa-gaitasuna dugu" - Ziurtatu du terapia genikoan espezializatutako VIRALGEN planta berriaren inaugurazioan
  • Miramongo parkean dauden instalazioak handitzeak kualifikazio handiko 130 lanpostu berri sortzea dakar

Lehendakariak ziurtatu du Euskadik "gaitasuna eta potentziala" duela bioteknologiarako eta bizi-zientzietarako berrikuntza-zentro bihurtzeko Europan eta munduan. Iñigo Urkulluk VIRALGEN enpresaren instalazio berriak inauguratu ditu Miramongo Parke Teknologikoan, Bayer multinazionalarena da eta terapia genikorako bektore biralen ekoizpenean espezializatua.

"Fabrikazio-, ekoizpen-, logistika- eta banaketa-gaitasuna dugu. Nazioarteko enpresek Euskadiren alde egiten jarraitzen dute. Herrialde txikia gara, baina bizi-kalitate handikoa. Inbertitzeko eta bizitzeko herrialde erakargarria " adierazi du lantegi berriko arduradunen aurrean, lantegi horren kapitalean Eusko Jaurlaritzak parte hartzen du.

Lehendakariak Viragelen talde profesionalaren lana goraipatu du, eta "arrakasta-eredu" gisa jarri du "bikaintasuneko ekosistema zientifiko-teknologiko-enpresariala eta osasun-,hezkuntza- eta gizarte-ingurune erakargarria" bilatzen duten beste enpresa batzuentzat.

Hitzaldian, Euskadiko gene-terapiako zentro honen inauguraziora jo du (2008ko irailean), eta, aldi berean, euskal erakundeen eskaintza berritu du, Euskadirako “etorkizuneko inbertsio handia” dakarren proiektua abian jartzen laguntzeko.

Hala, ziurtatu du  Euskadik ikerketa zientifikoaren eta Biozientzien eta Osasunaren sektorearen aldeko apustu publiko-pribatua areagotu egin duela pandemian, eta gogorarazi du Euskadik "berrikuntza handiko eskualde" gisa duen posizioa berreskuratu duela Europan, eta Europako Batzordeak Euskadi "berrikuntzaren bikaintasun-polo" gisa deskribatzen duela.

"Europako enpresa farmazeutiko handiek lurralde interesgarritzat hartzea da gure helburua", esan du.

Miramongo instalazio berriek 70 milioi euro baino gehiagoko inbertsioa behar izan dute, eta kualifikazio handiko 130 lanpostu berri sortu dira. Horrela, 250 profesionaleko talde bat osatuko da terapia genikoko zentro honetan, eta haren ekoizpen-ahalmena boskoiztu egingo da, proiektuen estaldura osoa ahalbidetzeko, fase aurreklinikotik ekoizpen komertzialeraino.

2 iruzkin
  • 2021-07-01

    Etorkizunean klima-aldaketari aurre egiteko erronkak osatzeko aprobetxatzea, mundua ez baita ados jartzen txertoa jartzeko edo gehiago edo gutxiago kutsatzeko.

  • 2021-07-01

    Aprovechar para formar población desafíos futuros cambio climático afrontamiento ya que el mundo no se pone de acuerdo ni para vacunar ni contaminar más o menos.

Iruzkinak itxita daude dokumentu honetan
Ekitaldiko kargudunak