Nazioarteko musikariak eta jazz selekzio zaindua Gasteizko Jazzaldiaren 44. ediziorako

2021-06-09

Kultura eta Hizkuntza Politikako sailburu eta Eusko Jaurlaritzaren bozeramaile Bingen Zupiriak Gasteizko Jazzaldiaren 44. edizioaren aurkezpenean parte hartu du gaur, Estíbaliz Canto Gasteizko Udaleko Hezkuntza eta Kultura zinegotziarekin, Ana del Val Arabako Foru Aldundiko Kultura diputatuarekin, Axier Urresti Vital Fundazioetako zuzendari exekutiboarekin, Kutxabankeko Jose Luis Baztarrica eta Iñigo Urresti Gasteizko Jazzaldiaren Elkarteko presidentearekin batera.

Gasteizko Jazzaldiak 44. edizioa berreskuratu du, iaz atzeratu behar izan zutena. Jaialdia uztailaren 14tik 18ra bitartean egingo da, Iradier Arena eszenatoki berrian; bertan, goizeko eta arratsaldeko kontzertuak izango dira, eta jaialdiak unean uneko osasun-baldintzetara egokitzeko aukera izango du. Gainera, Principal Antzokian arratsaldeko ohiko kontzertuak izango dira.

Pandemiaren bilakaeraren pixkanakako hobekuntzari esker, nazioarteko hainbat musikarik, hala nola Antonio Sánchez mexikarrak edo Thumbscrew talde iparramerikarrak, Gasteizen egon ahal izango dute. Jazz iinterpreteen hautaketa arduratsuarekin batera, sortzen ari diren talentuen dibulgazioa eta musika estilo horrekiko leialtasuna lehenesten dituen programa bat osotu da.

Iradier Arenan bi saio egingo dituzte eguerdian, asteazkenetik larunbatera. Saio horretan, tokiko eta inguruko musika-eskolei lekua egingo diete, baita jazzaren munduan lekua egiten ari diren talde gazteei ere. Eta gauean ere saio bikoitza izango da, Zinemaldiaren historian ohikoa izan den bezala, ibilbide luzea egin duten musikariekin.

Principal Antzokian programazioak ere aurreko edizioetako ildoari jarraituko dio, egungo jazzaren proposamen berritzaileak bilduz, hilaren 14tik (asteazkena) hilaren 18ra (igandea).

Informazio gehiago hemen.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak