Berriak Lehendakaritza
Eu

Lehendakariak IDOMen egoitza berria bisitatu du

2011.eko uztailak 14

Lehendakariak, Industria, Berrikuntza Merkataritza eta Turismoko sailburu Bernabé Undarekin batera, IDOMen egoitza berria bisitatu du gaur goizean, Bilbon, Zorrotzaurre auzoan. Nabarmentzekoak dira eraikinaren ingeniaritza eta arkitektura, iraunkortasunean eta energia aurreztean oinarrituta.

Eusko Jaurlaritzaren ordezkaritza osatzeko, bertan izan dira Pedro Gómez Damborenea, Juan Goicolea eta Xabier Garmendia sailburuordeak; izan ere, bertatik bertara ezagutu nahi izan dute IDOMen proiektua Bilbon. Haiekin batera izan dira Fernando Querejeta, IDOMeko presidentea, Luis Rodríguez Llopis, zuzendaria, eta Alberto Tijero, Bilboko bulegoko zuzendaria.

Eraikinean barrena egin duten ibilaldian, proiektuaren egile den Javier Perez Uribarri arkitektoak konpainiaren egoitza berriaren ezaugarriak azaldu dizkie; eraikinean, lehendik zeuden elementuak beste berri batzuekin nahastu dira. Eraikinak 13.000 metro koadro ditu eta eraginkortasun energetikoko sistemarik berritzaileenak erabiltzen ditu. Kontsumo txikiko ekipo sanitarioak, euri-ura estalkian biltegiratzea lorategia ureztatzeko, argiak automatikoki erregulatzeko sistema, eguzkitik asko babesten duten xafla handiekin estalitako fatxada eta airea barreiatzeko eta girotzeko ura baliatzen duen sistema dira berritasun horietariko batzuk.

Baliabideak hobeto aprobetxatzeko, hainbat koloretako habe metalikoz osatutako sistema bat diseinatu eta instalatu da, elementu bakarrean biltzeko airea girotzea eta argiztapena. Horrekin guztiarekin ezaugarri bereko eraikin baten energia-kontsumo normalaren % 60 aurreztea aurreikusten da.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
(IX legealdia 2009 - 2012)
Beste gonbidatu batzuk
  • Lehehendakaria, Bernabé Unda, Juan Goikolea, Xabier Garmendia, Pedro Gómez Damborenea