Hauteskundeak 2024
qrcode

  Etxebizitzak 62 milioi euro bideratuko ditu alokairuan eta birgaitzean laguntzeko dirulaguntza programetara (Gobernu Bilera 2021-5-11)

2021-05-11

Lurralde Plangintza, Etxebizitza eta Garraio Sailak 62.130.000 euro bideratuko ditu, guztira, gizarte-alokairurako eta etxebizitzak birgaitzeko laguntza-programak finantzatzera. Hala jasotzen da Iñaki Arriola sailburuaren aginduan; hura Gobernu Kontseiluari jakinarazi zaio. Agindu horren bidez, publizitatea eman zaie 2021 ekitaldi honetan alokairua sustatzeko eta etxebizitza eta eraikinak birgaitzeko urte anitzeko dirulaguntzen ildoak finantzatuko dituzten ordainketa- eta konpromiso-kredituei.

Gobernu Kontseiluaren saioan, baimena eman da, halaber, programa horien aurrekontu-estaldurarako. Honako hauek dira programak:

-Egiturazko-erreformen (estalkiak eta fatxadak), irisgarritasunaren (igogailuak jartzea, funtsean) eta eraginkortasun energetikoaren bidez, bizitegi-eraikinen eta etxebizitzen birgaitzea sustatzeko, 2,4 milioi euro esleitu dira dirulaguntzetan. Kopuru horretatik, 7,3 milioi ekitaldi honetan sartu dira aurrekontuan, eta 14 milioi, 2021ean. Dirulaguntza horien bidez mobilizatuko diren inbertsio pribatuak 400 milioi euro baino gehiagokoak direla kalkulatzen da (funtsean, jabeen erkidegoen kontura).

-Gaztelagun gazteei merkatu librean etxebizitzaren alokairua ordaintzeko laguntzen programak 9,5 milioi euro beraganatuko ditu 2021ean emandako dirulaguntzetan eta laguntzaren indarreko 3 urteetan, baldin eta aldi horretan baldintzak mantentzen badira.

-Errentamendu babestuaren sustapena dela eta, ekitaldi honetan eta hurrengo bietan 16,8 milioi euro bideratuko dira. Funtsean, sustapen berriko eta aurretik zeuden etxebizitzak erosi ondoren birgaitzeko, sustatzaile publiko eta pribatuen aldetik alokairuko etxebizitza eskuragarrirako eta zuzkidura-bizilekuak sustatzeko eragiketen sustapenean erabiliko dira.

-Guztira, 14,1 milioi esleituko dira finantza-erakundeek sustatzaile publiko eta pribatuei, jabeen erkidego eta etxeei eta erabilera-lagapenaren egoeran dauden irabazi-asmorik gabeko elkarte eta kooperatibei honako hauetarako ematen dizkieten kredituen interesguneak diruz laguntzeko: alokairu babestuko etxebizitzak sustatzeko eta birgaitzeko (aurretiko egiturazko birgaitzearen bidez hutsik dauden etxebizitzen irisgarritasuna eta mobilizazioa), 2021eko Finantza Hitzarmenaren bidez.  

-Erabilitako etxebizitza librea erosteak 200.000 euroko aurrekontua izango du, eta etxebizitza babesturako lurzoruaren udal-ondareak eratzea, 50.000koa.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko