Berriak Osasuna

Eusko Jaurlaritzak Astrazenecarekiko lasaitasun mezua berretsi du eta Euskadin txertaketa kanpainak aurrera jarraitzen duela adierazi du

2021-03-16

Osasun sailburuak berriro helarazi die lasaitasun-mezua euskal herritarrei; izan ere, AstraZenecak emandako 52.760 dosietatik, ez da hauteman bigarren mailako ondorio larririk.

Astrazenecaren txertaketa geldiarazteko erabakia zuhurtziaren eta prebentzioaren printzipioetan oinarrituta dago. 1580 hitzordu bertan behera utzi dituzte, eta AstraZenecaren 24.000 dosi inguru emateko plangintza bertan behera geratu da.

Nolanahi ere, sailburuak gogorarazi du Euskadik txertaketa-kanpainarekin jarraitzen duela eta jakinarazi du 90 urtetik gorako pertsonen% 89k eta 80 urtetik gorakoen% 24k lehen dosia jaso dutela. Horiei guztiei Osakidetzak deituko die txertaketa-hitzordua eskaintzeko.

Bilakaera epidemiologikoari dagokionez, Sagardui sailburuak adierazi du ez dagoela erlaxatzeko arrazoirik: " Ziurrenik, intzidentzia metatuaren tasen jaitsierak pixkanaka moteldu ondoren, joera aldaketa baten hasieran egon gaitezkela esan dezakegu. Baina aste honetan gertatzen denaren zain egon behar dugu."

Ildo horretan, herritarren laguntza eskatu du prebentzio-neurriak betetzen jarraitzeko, batetik, eta zaintza-sarearekin lankidetzan aritzeko, bestetik, kasu guzti-guztiak detektatzeko. Azaldu duenez, sareak "ez du zigortzen, ezta erruduntzat jotzen ere", transmisio katea moztu nahi baitu. "Kanpoan geratzen den kontaktu bakoitza arriskutsua da biztanle guztientzat ", gaineratu du

Iruzkin bat
  • 2021-03-16

    La incidencia sube o baja con independencia de las "medidas". Es una enfermedad.Ejemplo: Navarra. Nunca tuvo confinamiento municipal, y las "olas" fueron como en Euskadi (incluso con la hostelería abierta la "curva" bajó...).Basta ya de mentirnos.

Iruzkinak itxita daude dokumentu honetan