Lehendakariordeak hirugarren sektoreko erakundeekin kontrastatu du Gizarteratzeko eta Diru Sarrerak Bermatzeko Sistemaren hobekuntza

2021-02-23
  • Idoia Mendiak Sareen Sareari helarazi dizkio, halaber, Sailak gizarteratze eta laneratzerako prestakuntza eta enpleguaren arloan dituen ekimenak

 Lehendakariorde eta Lan eta Enpleguko sailburu Idoia Mendiak gaur kontrastatu ditu Diru-sarrerak Bermatzeko sistemaren hobekuntza eta sailak lantzen dituen gizarteratzeko eta laneratzeko prestakuntza- eta enplegu-politikak Sareen Sarearekin, Euskadiko Hirugarren Sektore Sozialeko erakundeen sareak biltzen dituen elkartea.

Mendia Sareen Sareko ordezkariekin bildu da Eusko Jaurlaritzaren Gasteizko egoitzan, agente politiko, sozial eta ekonomikoekin izan dituen harremanen esparruan. Euskadiko Hirugarren Sektore Sozialaren Sarearen izenean, Borja Doval presidenteak, Soraia Chacón presidenteordeak eta Mikel Barturen koordinatzaileak hartu dute parte bileran.

Jorratutako gaietako bat Diru-sarrerak Bermatzeko eta Gizarteratzeko sistema hobetzea izan da, eta izapidetze fasean dago. Zehazki, kontsulta publikoa amaitu da eta hasteko agindua datozen egunetan sinatuko da. Gai hori eta Gizarteratzeko Euskal Plana sektorearentzako zeharkako gaiak dira, eta Sareen Sareak hainbat proposamen egin eta aurkeztu dizkio Jaurlaritzari. Zentzu horretan, gizarte-ekonomia eta gizarteratzeko eta laneratzeko prestakuntza- eta enplegu-politikak gai garrantzitsuak dira Mendiak zuzentzen duen sailaren barruan, eta zuzenean eta bazkide-sareekin bilera espezifikoetan lan egiten ari da.

Gainera, lehendakariordeak sailarekiko harreman-, kolaborazio- eta lankidetza-esparruaren berri eman die. Izan ere, Gobernu berria eratu eta sailak egituratu ondoren, Lan eta Enplegu Sailaren barruan kokatzen da gizarteko pertsona ahulenei eta Hirugarren Sektore Sozialeko erakundeen misioari eta jarduerari zuzenean eragiten dien gobernu-ekintzaren muineko zati bat.

Era berean, COVID-19ren eragina aztertu da Euskadiko Hirugarren Sektore Sozialeko erakundeetan.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak