Berriak Segurtasuna

Gizon bat atxilotua eta beste bat inputatua, eta hainbat edukiontzi erreta, Bilbon izandako istiluen balantzea

2021-02-21

Pablo Hasél rap-kantaria askatzeko deitutako manifestazioa amaitu ondoren, arratsaldeko ordu bat eta erdiak aldera, istiluak izan dira Moyua Plaza inguruan. Une horretan, hainbat pertsonak edukiontziak gurutzatu dituzte plazan bertan eta inguruko kaleetan, besteak beste Colon de Larreategi kalean, eta jarraian korrika joan dira Kale Nagusitik Alde Zahar aldera, bidean beste edukiontzi batzuk gurutzatuz.

Horrela, Kale Nagusiaren eta Diputazio Kalearen arteko elkargunean, ertzainek edukiontzietako batzuk gurutzatu dituen eta su emango ziela mehatxu egiten zuen pertsona bat atzeman dute. Agenteek identifikatu egin dute 41 urteko gizona, eta desordena publikoen delitua leporatuta atxilotu dute.

Istilu-sortzaileak Alde Zaharrera iritsi direnean, edukiontziak gurutzatzen eta erretzen jarraitu dute hainbat kaletan, bai eta istiluak eragozten saiatzen ari ziren Ertzaintzako agenteei aurre egiten eta kristalezko botilak eta harriak botatzen ere. Horrela, agenteek Kale Nagusian edukiontziak gurutzatzen ikusi duten beste pertsona bat atzeman dute, eta honi ere desordena publikoen delitua leporatu diote.

Arratsaldeko hiruak baino lehentxeago sakabanatu dira istilu-sortzaileak eta amaitu dira iskanbilak.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko