Berriak Osasuna

Ohar informatiboa: Txertaketa-prozesua Euskadin

2021-02-12

COVID-19aren aurkako txertaketa-kanpainak Euskadin aurrera jarraitzen du, eta, dagoeneko, 92.204 txerto eman dira (54.875 lehen dosikoak eta 37.329 bigarrenekoak). Gainera, Osakidetzako plantillako % 39,62k jaso du lehen dosia, dagoeneko.

Gaur, otsailaren 12an, Astra Zenecaren 10.500 txerto iritsi dira Euskadira, astelehenean iritsi ziren 9.100 txertoez gainera. Hori eta Osasuneko Lurraldeen arteko Kontseiluaren Osasun Batzordeak txertoa emateko ezarritako lehenespen-irizpideak aintzat hartuta, txerto horren txertaketa datorren asteko asteazkenean hasiko da, Ertzaintzako agenteen artean. Eguneko zentroetako profesionalen txertaketa datorren astean egingo da, foru-aldundiekiko koordinazioaren eta operatiboaren arabera; izan ere, haietako langileek emango dute.

Nabarmendu behar da Euskadik jarraituko duela segurtasunerako stockari eusteko estrategiarekin, bigarren dosia sasoiz eta behar den moduan ematen dela bermatzeko; estrategia hori, gertatutakoak ikusita, egokia izan da. Osasun Ministerioak berak jakinarazi du Modernaren dosien kopurua murriztu egingo dela datozen entregetan, eta autonomia-erkidegoei gomendatu die bigarren dosia bermatzeko txerto-erreserba nahikoa izatea.

Txertoen entregen eta eskuragarritasunaren inguruko ziurgabetasuna dela eta, dosiak emateko plangintzak eta deiak etengabe ari dira eguneratzen, eta Modernaren dosi-kopurua murriztu izanak ere eragina izango du. Datorren asterako aurreikuspena da hurrengo kolektiboen txertaketarekin paraleloan jarraitzea, betiere txertoen eskuragarritasunaren arabera.

  • Egoitzetan bai egoiliarren bai profesionalen erabateko immunizazioarekin jarraitzea.
  • Osakidetzako osasun-profesionalen lehen lerroa eta bigarren lerroarekin jarraitzea.
  • Klinika pribatuetako osasun-profesionalen lehen lerroa.
  • Ertzaintza
  • Eguneko zentroetako profesionalak.

 

Txertaketak gainerako kolektiboekin jarraituko du, dosien eskuragarritasunaren arabera.

 

Vitoria-Gasteiz, 2021eko otsailaren 12a

2 iruzkin
  • 2021-02-16

    El colectivo de mayores de 80 años, tanto residenciados como no, suponen el 70% de las muertes por covid en Euskadi. Con una tasa de letalidad del 20%...¿No creen que su vacunación debería ser PRIORITARIA? Me refiero obviamente a los no residenciados, para los cuales no hay ni fecha concreta para vacunarles. En otras comunidades ya lo están haciendo, aquí nos preocupamos más de colectivos que tienen el mismo riesgo que los demás en contagiarse, pero son mucho más jóvenes y con letalidad mucho más baja.
    Estrategia equivocada, por mucho que traten de defenderla. Y por lo que parece, encima se está implantando de forma caótica y poco transparente. En resumen MUY LAMENTABLE SU GESTION SOBRE ESTE TEMA.

  • MAP
    2021-02-13

    ¿Por que teniendo las vacunas de Astra Zeneca desde el Lunes, comienzan a vacunar el Miércoles de la siguiente semana?

Iruzkinak itxita daude dokumentu honetan