Berriak Lehendakaritza

Lehendakariak baztertu egin du etxeko konfinamenduaren aukera, baina interakzio soziala oso kontrolatua izan behar dela azpimarratu du

2021-01-18

Iñigo Urkullu lehendakaria elkarrizketatu dute, gaur arratsaldean, Ser irratiko “La Ventana Euskadi” saioan. Bertan, Euskadiko gaurkotasun politiko eta soziala aztertu du, eta pandemiaren inguruan autonomia-erkidegoak bizi duen egoera errepasatu du.

Cadena Ser irrati kateari eskainitako elkarrizketan, Lehendakariak aitortu du egoera epidemiologikoa "oso larria" dela eta datozen egunetarako bilakaeraren aurreikuspena okerrera jarraitzea dela. Hala, erantzukizun indibiduala eta kolektiboa eskatu du beste behin. Neurriei dagokienez, Lehendakariak adierazi du erabateko konfinamenduaren aurkakoa dela, baina azpimarratu du harreman soziala asko mugatu behar dela. "Etxeko konfinamenduaren aurkakoa naiz, baina interakzio sozialak oso kontrolatua izan behar du", adierazi du.

Besteak beste, Lehendakariak txertoen administrazioari buruz hitz egin du. Lehendakariak berretsi egin du Euskadin jarraitu den irizpidea, eta ziurtatu du hasiera-hasieratik jarraitu zaiola ezarrita zegoen eta ezaguna zen txertaketa-planari; 21 egunen buruan bigarren dosi bat behar duen txerto baten eraginkortasuna bilatzen duen plana dela nabarmendu du. "Erabakirik egokiena bigarren dosiak bermatzea da", gaineratu du, eta hurrengo kolektiboentzako data zehatzak zehaztea ezinezkoa dela gaineratu du, ez baita ziurra zenbat dosi jasoko diren eta noiz.

Era berean, Lehendakaria Lurralde arteko Kontseiluaren bileran Covid-19ren aurkako borrokan gutxieneko irizpide partekatuak ezartzearen alde agertu da, bai txertoei dagokienez, bai pandemiaren kudeaketako beste gai batzuei dagokienez.

2 iruzkin
  • 2021-01-19

    Muga 15 baino gutxiago esaten da, prebentzio neurriez eta aireztatzen.

  • 2021-01-19

    El menor tiempo posible interacción guardando distancias y ventilando menor riesgo, se dice límite máximo 15 minutos y con protección imprescindible en todo caso

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak