Berriak Segurtasuna

Bi atxilotu Bilboko taberna batean lapurreta egiten ahalegintzeagatik

2021-01-13

Ertzainek bi pertsona atxilotu dituzte goizaldean Bilbon, Indautxu inguruko taberna batean lapurreta egiten ahalegintzeagatik. Arrastatuek metalezko burdinsare bat eta baldosa bat erabili dituzte establezimenduko erakusleihoko beira hausteko.

Goizaldeko hiruak baino lehentxeago, langile batek Ertzaintzaren patruila bati jakitera eman dio kolpe handi bat entzun duela Leizaola lehendakariaren kaleko taberna baten inguruan. Agenteak establezimendura hurbildu dira, eta inguruan bi pertsona aurkitu dituzte. Horietako batek baldosa handi bat zuen eskuetan.

Susmagarriak atxikita eduki dituzte taberna aztertzen zuten bitartean. Agenteek egiaztatu dute erakusleihoko beira hautsita zegoela, eta ondoan metalezko burdinsare bat aurkitu dute, dirudienez erakusleihoa hausteko erabili dutena. Itxura guztien arabera, lapurrek ez dute lokalean sartzea lortu.

Ertzainek, gertatutakoa egiaztatu ondoren, bi gizonak arrastatu dituzte eta polizia-egoitzara eraman dituzte.

Polizia-aurrekariak dituzten atxilotuek 18 eta 19 urte dituzte, eta dagozkion polizia-eginbideak amaitu ondoren eramango dituzte agintari judizialaren aurrera.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko