Berriak Lehendakaritza

Jonan Fernández LABIko Aholku Batzordearen Batzorde Teknikoaren bileraren buru izan da

2021-01-04

Jona Fernández LABIko Batzorde Teknikoaren koordinatzailea LABIko Aholku Batzordearen Batzorde Teknikoak gaur goizean ospatu duen bileraren buru izan da. LABIren Batzorde Teknikoak honako irizpena eman du: 

  • Euskadi zein agertokitan dagoen

-Epidemiaren azken egunetako datuen bilakaeraren arabera, Euskadi Transmizio Tentsionatutako 3. mailan kokatzen da, Intzidentzia edo Hedapen adierazleetan. Larritasunaren eta Eragin asistentzialaren adierazleari dagokionez, 3. mailako Agertokian gaude. Joeraren eta Ugalkortasunaren adierazleak 4. mailako agertokian daude. Adierazle guztietan egiaztatu da azaroaren hasieratik izandako bilakaera positiboa gelditu egin dela, eta joera negatibo txiki bat izan dela.

  • Egoeraren balorazioa

-Tokiko egoera epidemiologikoa ez da ona, kezkagarria da. Hala ere, ez du une honetan aparteko alarma-zantzurik. Balorazio hori haztatu behar da, hiru faktore garrantzitsu hartuta kontuan:

  • Bi asteko segidak eta lanegunak ez diren lau egunek kutsaduren edo kontaktu estuen miaketaren eta egindako test kopuruaren arteko aurreko asteetako erlazioa desitxuratu ahal izan dute.
  • Inguruko Autonomia Erkidegoetan eta gure inguruko herrialdeetan gertatzen ari den bilakaera negatiboak ez du inolako erlaxaziorik ahalbidetzen.
  • Euskadin gutxienez sei kasu agertu dira Erresuma Batuan mutatutako birusaren anduiarekin lotuta, eta, beraz, kontu handiz ibili behar da.
  • Erresuma Batuan mutatutako birusaren anduiarekin lotutako gutxienez sei kasu agertu direnez Euskadin, eta etorkizunean beste andui batzuk detektatu daitezkeenez, kontu handiz ibili behar da.

-Ziurgabetasun-testuinguru batean gaude, eta horrek eskatzen du datuak ahalik eta gehien zaintzea eta kontrolatzea eta egunero monitorizatzea. Une honetan, birusaren transmisioa geldiaraztea eta, ahal den neurrian, murriztea da helburua.

-Bestalde, aipatu behar da azken Dekretuetan, Gabonen aurretik onartutakoetan, hartutako neurri murriztaileek jarraipen sozial nabarmena izan dutela, eta, oro har, Gabon-gauetik gaur arteko jaiegun eta ospakizunetako mugikortasunari eta elkarrekintzei nabarmen eustea lortu dela. Funtsezkoa da berriz ere eskatzea, Errege bezperaren eta egunaren eta datorren asteburuaren inguruan, prebentzio eta osasun publikoko neurriekin orain arte erakutsitako konpromiso zibikoari eusteko deia.

  • Gomendioak

-Azaldutako gogoetetan oinarrituta, Batzorde Teknikoak uste du bilakaera epidemiologikoaren behaketa egun batzuez luzatu behar dela. Ildo horretan, Batzordeak bilera egingo du ostiral honetan, hilak 8, eta astelehenean, hilak 11, bilakaera, datuak eta indarrean dauden eta har daitezkeen neurriak ebaluatzeko. Testuinguru horretan, Batzorde Teknikoaren berariazko gomendioak honako hauek dira:

  1. Indarrean dauden Dekretuetan ezarritako prebentzio-neurriak aktibo eta aldaketarik gabe mantentzea eta datozen egunotan egoera ebaluatzen jarraitzea.
  2. Testatzeko, laborategiko analisiak egiteko, kasuak identifikatu eta horien jarraipena egiteko, kutsatzeko eta kontaktuak egiteko lanen balioa eta garrantzia ezagutzea, eta horiek sendotzen jarraitzea.
  3. Indarrean dauden prebentzio-neurri gehienak betetzen direla aitortzeko mezua helaraztea gizarteari.
  4. Prebentzio-konpromisoak indartzea jarduera guztietan edukierari, maskararen erabilerari eta pertsonen arteko distantziari dagokienez, eta, bereziki, egun hauetan, merkataritza-jardueretan eta merkealdietan.
3 iruzkin
  • 2021-01-06

    O sea que el Covid ha estado de vacaciones,ya? Vale control de aforo cero, policía inexistente, centros de asistencia primaria que no atienden, uds. Como es festivo tampoco,se han realizado una cuarta parte de las PCR y aún así han subido los contagios, claro y no nos olvidemos de las vacunas un 18 % de vacunación y a este ritmo y con dos dosis en cinco años vacunados,pero la culpa es de la gente y de la hostelería,y del pequeño comercio y del que está en erte.Porque uds. Tenían derecho a descansar y yo no con mi contrato parcial.Si señor toda la razón , Feliz año nuevo

  • @Gizakixxi1
    2021-01-05

    Comentario de Twitter:
    Jonan Fernández preside la reunión de la Comisión Técnica del Consejo Asesor del LABI
    https://t.co/WvAojQNq2Y
    Cómo… https://t.co/hgc3Uvf44C

  • 2021-01-04

    Tantas horas reunidos para seguir como estamos? Subiendo como la espuma y siguen esperando al viernes. Que poco caso hacen a los medicos,ustedes a lo suyo.de verdad no ven en la situación que estamos o están ciegos. Siento vergüenza . Creo que los mas irresponsables son los politicos

Iruzkinak itxita daude dokumentu honetan
Ekitaldiko kargudunak