Berriak Osasuna

Bihar hasiko da COVID-19aren aurkako txertaketa kanpaina Euskadin

2020-12-26

 Hiru lurralde historikoetako egoitzetan hasiko da: Ajuria erresidentzian Araban; Elorrio Laguntza Zentroa – GUFE Bizkaian eta Caser Betharram erresidentzian Gipuzkoan

Euskadik bihar hasiko du COVID-19ren aurkako txertoa eremu soziosanitarioan. Lehenengo txertoak hiru lurraldeetan emango dira aldi berean: Vitoria-Gasteizko Ajuria egoitzan (Araba); Elorrio Laguntza Zentroan –GUFE (Bizkaia) eta Hondarribiko Caser Betharram egoitzan (Gipuzkoa).

Eusko Jaurlaritzak, Irekiaren bidez, txertoak Euskadira iristen direneko irudiak banatuko ditu.

Ondoren, eta eremu soziosanitarioan bete beharreko segurtasun-neurri zorrotzak kontuan hartuta, lehen txertaketaren ikus-entzunezko materiala baliabideen "pool" baten bidez eskainiko da.

Oraindik ez dago iruzkinik
Iruzkinak itxita daude dokumentu honetan