Berriak Segurtasuna

Lau atxilotu Irunen hotel batean lapurreta egiteagatik

2020-12-05

Ertzainek 15 urtetik 22 urtera bitarteko lau gazte atxilotu dituzte gaur goizaldean Irunen, bertako hotel batean lapurreta egiteagatik. 

Goizaldeko hiruak laurden gutxi aldera, Ertzaintzak jakin du lapurreta egin dutela Irungo hotel batean. Dirudienez, hiru pertsona sartu dira hotelean sarrerako bi ateak behartuta, eta laugarren pertsona kanpoan geratu da zaintza-lanetan.

Adierazitako lekura agertu diren agenteek ustezko lapurretako baten ezaugarriekin bat zetorren gazte bat ikusi dute, eta honek, polizia ikustean, ihes egin du Irungo azoka-barrutiko sarreretako batean ezkutatzeko. Gaztea ezkutatu den lekuan aurkitu dituzte lapurretan parte hartu duten lau gazteak, eta haietako batek hoteleko produktuak zituen. Lau gazteak atxilotu egin dituzte indarra erabiliz lapurreta egitea leporatuta, eta polizia-egoitzara eraman dituzte.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko