Gobernu Kontseiluak ontzat eman du EHUrekin sinatutako hitzarmena, Administrazio publikoko profesionalei berdintasunari eta indarkeria matxistari buruzko prestakuntza emateko (Gobernu Bilera 2020-11-24)

2020-11-24

Gobernu Kontseiluak gaurko bileran erabaki du baimena ematea UPV/EHUrekin hitzarmen bat sinatzeko, Herri Arduralaritzaren Euskal Erakundearen (HAEE) kudeaketa-agindua formalizatzeko, berdintasunerako eta indarkeria matxistarako prestakuntzaren esparruan, bai eta haur eta nerabeei sexu-abusuak aurreikusteko eta haiei arreta emateko ere. Euskal Administrazio Publikoko profesionalen prestakuntza-plana da, 2020ko Aurrekontuen Legean jasoa, eta hitzarmen honen bidez unibertsitatera eramaten da, diseina eta gauza dezan.

Prestakuntza-plana bi prestakuntza-ekintza, ikaskuntza-ekintza eta informazio-ekintza motarekin zabaltzen da, bi mailatan mailakatuta: oinarrizkoa eta sakontzekoa. Besteak beste, hezkidetzari, emakumeen aurkako indarkeriari eta indarkeria matxistaren egoeretan esku hartzeari buruzko online ikastaroak eskainiko dituzte. Halaber, jarduera-gida bat landuko dute, Hezkuntzan, Osasunean, Justizian, Segurtasunean eta Gizarte Zerbitzuetan indarkeria matxistaren kasuak hobeto antzemateko, artatzeko eta esku hartzeko.

Prestakuntza plan honek honako lanbide-eremu hauek ditu xede: Osasuna, Hezkuntza, Justizia, Gizarte Zerbitzuak eta Segurtasuna, eta EAEko Administrazio Orokorrean eta Instituzionalean, Foru Administrazioan eta Toki Administrazioan lan egiten duten profesionalei eragiten die. Ikastaroak urte honen amaieran eta 2021aren amaieran egingo dira.

Iruzkin bat
  • @meiparragirre
    2020-11-25

    Comentario de Twitter:
    “Formacion sobre igualdad y violencia machista”. Hori da bidea!! https://t.co/oMadfMDJHg

Iruzkinak itxita daude dokumentu honetan
Komunikabideek behera kargatzeko