Bilbo, garaje komunitario batean harrapatu dute kilo bat haxixekin
Ertzainek 43 urteko gizon bat atxilotu zuten atzo, ostirala, arratsaldean, droga-trafikoa leporatuta. Gizona Santutxuko garaje batean, auto baten barruan, aurkitu zuten kilogramo bat haxixekin.
Atzo arratsaldeko hiruak aldera, Ertzaintzari jakinarazi zioten gizon bat zegoela garaje komunitario batean auto baten barruan. Jasotako informazioaren arabera, garajeko plaza batean geldituta zegoen eta droga-trafikoarekin zerikusiren bat izan zezakeen.
Adierazitako lekura herritarrak babesteko lanetan ari ziren hainbat patruila hurbildu ziren, eta adierazitako gizona aurkitu zutenean identifikatu egin zuten. Gizonak ez zuen azaltzen jakin bertan zertan ari zen eta zergatik zegoen bere jabetzakoa ez zen aparkalekuan geldituta. Auto barruan, kopilotuaren eserleku gainean, zuen motxila batean kolore marroiko substantzia prentsatu baten bi bloke aurkitu zituzten paper gardenean bilduta, guztira kilogramo inguru zen eta berak aitortu zuen haxixa zela. Horrez gainera, berrehun eta hirurogei euro zeramatzan gerriko poltsa batean.
Ebidentzia horien aurrean, atxilotu egin zuten. Polizia-eginbideak amaitu ondoren, atzo arratsaldean bertan eraman zuten arrastatua Epaitegira.
