Berriak Segurtasuna

Gasteizen atxilotu dute bi okindegitan eta taberna batean lapurreta egin zuen gizonezkoetako bat

2020-11-06

Gasteiz, 2020ko Azaroak 06

Ertzainek Sansomendiko eta Zabalganako taberna batean eta bi okindegitan lapurreta egin zuten bi gizonezkoetako bat atxilotu zuten atzo Gasteizen. Hiru delitu horietako bitan arma zuri batekin mehatxatu zituzten biktimak, eta hirugarrenean segur aski simulatua zen su-arma batekin.  

Abuztuaren 10ean, gaueko hamaika eta erdiak aldera, bi pertsona sartu ziren Sansomendiko taberna batean, eta, zerbitzariari labana batekin mehatxu eginez, kutxa erregistratzaileko dirua hartu eta ihes egin zuten.

Urriaren 2an, arratsaldean, berriz ere Sansomendi auzoan, bertako okindegi batean, mutil batek segur aski simulatua zen su-arma batekin mehatxatu zuen bertako arduraduna, eta dirua emateko agindu zion. Biktimak ez zituen mehatxuak sinetsi eta ez zion mutilak esandakoari jaramonik egin, eta lapurrak alde egin zuen lokaletik.

Urriaren 22an, gaueko bederatziak aldera, saltzaile bat Zabalgana auzoko okindegi batean bakarrik zegoenean, bi mutil sartu ziren eta hainbat gauza hartu zituzten. Jarraian, mostradorera hurbildu ziren, eta halako batean mutiletako batek beste aldera igaro eta sukaldeko labana batekin mehatxatu zuen langilea, eta kutxa erregistratzaileko dirua hartu zuen.

Gasteizko Ertzain-etxetik dagokion ikerketa egin ondoren, hiru lapurretak pertsona berberek egin zituztela ondorioztatu zuten. Ustezko bi lapurrak identifikatu egin zituzten, eta horietako bat atzo arrastatu zuten. Arrastatua 17 urteko adingabea da, eta Adingabeen Fiskaltzaren esku jarri dute. Ikerketak zabalik jarraitzen du delituan inplikatuta dagoen bigarren gizonezkoa aurkitu eta atxilotzeko.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko