Tapiak ekonomia modernoarekin, lehiakorrarekin eta baliabideen erabilera efizientearekin hazteko beharra azpimarratu du

2020-11-04

Garapen Ekonomiko, Jasangarritasun eta Ingurumeneko sailburu Arantxa UHINAK Klima Aldaketa eta Itsasertzari buruzko Mugaz gaindiko IV. Kongresuan, parte hartu du. Aurtengo edizioan, UHINAKek larrialdi klimatikoari aurre egiteko irtenbideak ezagutaraziko ditu.

Bere hitzaldian, Arantxa Tapia sailburuak estrategia berde berri baten beharra adierazi du, baina, batez ere, ekonomia modernoan, lehiakorrean eta baliabideen erabilera efizientean oinarritutako hazkunde-estrategia baten beharra. "Eredu lehiakor justua, inor atzean utziko ez duena. Hau da gure Basque Green Deal ", gaineratu du. Ildo horretan, industria, hazkunde ekonomikoa, teknologia, energia berria eta klima aldaketaren kudeaketa hazkunde justu eta iraunkorra lortzeko motorrak izango direla esan du.

Ekonomiaren Garapen, Jasangarritasun eta Ingurumeneko sailburuak nabarmendu duenez, legegintzaldi honetarako helburuak berotegi-efektuko gasen emisioa % 30 murriztea eta energia berriztagarrien kuota energiaren azken kontsumoaren % 20 izan dadin lortzea dira; horrez gain, berotegi-efektuko gasen emisioaren neutraltasuna lortu nahi da 2050eko horizontean, eta klimarekiko erresilienteagoa den lurralde baterantz aurrera egin.

Bukatzeko, sailburuak azpimarratu du UHINAK bezalako ekitaldi zientifikoek Euskadi ekintza klimatikoko eskualde erreferente gisa finkatzen laguntzen dutela, gaiari buruzko ezagutza aurreratuaren, mugaz gaindiko lankidetzaren eta esperientzia arrakastatsuen trukearen bidez.

Ficoba erakusazokan egin den ekitaldian Amaia Barredo Ingurumeneko sailburuordea eta Alexander Boto IHOBEko zuzendari nagusia ere izan dira.

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak