Lehen Urratsa programak martxoan etxegabetasun egoeran zeuden 578 pertsonari ematen die arreta, ibilbide pertsonalizatuen bidez

2020-11-01
  • Artolazabalen iritziz, positiboa da baliabidea; izan ere, babesa eman die babeslekuetan hartu ziren pertsona ugariri

Vitoria-Gasteiz, 2020/10/30

Lehen Urratsa programa Inor Atzean Utzi Gabe funtsetik sortu zen; funtsa Eusko Jaurlaritzako Berdintasun, Justizia eta Gizarte Politiketako Sailarena da, eta, konfinamendua amaitu denetik, 578 pertsonari eman die arreta. Programa horren bidez, laguntzadun ostatu-aukerak eta gizarte-integrazioko ibilbideak eskaini nahi zaizkie konfinamenduaren aurretik kalean bizi ziren eta itxialdian Bilboko, Vitoria-Gasteizko eta Donostiako babeslekuetan ostatu hartu zuten pertsonei.

LEHEN URRATSA

     

Erakundea

PERTSONAK

 

LH

PERTSONAK

GURUTZE GORRIA

35

 

ARABA

35

PEÑASCAL

101

 

BIZKAIA

446

ELLACURIA F.

36

 

GIPUZKOA

97

CARITAS D. BILBAO

34

 

TOTAL

578

BIZITEGI

275

     

ZABALDUZ

24

     

ARRATS

32

     

CARITAS D. DONOSTIA*

41

     

 

Beatriz Artolazabal Berdintasun, Justizia eta Gizarte Politiketako sailburuak oso positibotzat jo du programa hau; izan ere, Lehen Urratsaren baliabideetan, pentsioetan, aterpetxeetan, pisu komunitarioetan, “orain konfinamenduaren sasoian pilotaleku edo kiroldegietan zeuden pertsonetako asko bizi dira”.

Hiru euskal hiriburuetan ezarritako babeslekuetan, konfinamenduan, ordurako kalean bizi zirenak hartu zituzten, bai eta, konfinamenduaren beraren ondorioz, zeukaten bizilekua galdu zutenak ere (alokairuko etxebizitza, logela, pentsioa, hotela eta abar). ‘Lehen Urratsa’ programa sortu zen pertsona horientzako gizarte-integrazioko ibilbideei berriz ekiteko edo haiek hasteko aukera emango zieten alternatibak eskaintzeko, berriz kalean bizi behar ez izateko. Halaber, helburuetako bat da ‘etxegabetasuna’ ez kronifikatzea.

Honako erakunde hauek dihardute Lehen Urratsarekin elkarlanean:         Zabalduz Kooperativa Elkartea, Gurutze Gorria, Peñascal S.Coop, Cáritas Diocesana de Bilbao, Ellacuría Fundazioa, Bizitegi, Arrats eta Cáritas Diocesana de Donostia. Lurraldeen arabera, arreta jaso duten pertsonetatik, 446 Bizkaikoak dira, 35 Arabakoak eta 97 Gipuzkoakoak.

2 iruzkin
  • 2020-11-01

    Oso ondo dago pertsona ahulei laguntzea, mafien egoera edo larre okerragoan ez erortzeko.

  • 2020-11-01

    Está muy bien se apoye a las personas vulnerables no acaben en peor situación o pasto de mafias.

Iruzkinak itxita daude dokumentu honetan
Komunikabideek behera kargatzeko