EHAAn argitaratu da joko patologikoari buruzko informazio eta prebentzio ekintzak burutuko dituzten irabazi asmorik gabeko erakundeei laguntzak emateko agindua
Vitoria-Gasteiz, 2020 urriak 30
EHAAn argitaratu da joko patologikoari buruzko informazio eta prebentzio ekintzak burutuko dituzten irabazi asmorik gabeko erakundeei laguntzak emateko agindua
- Joko eta Ikuskizunetako zuzendariak atzo azaldu zien agindua Jokoaren Batzorde Tekniko Aholkularian parte hartzen duten eta ludopatietan laguntzen duten hiru lurraldeetako elkarteei
- Proiektuak, lehentasunez, adingabeei, nerabeei, familiei eta hezkuntza-komunitateari zuzenduta egongo dira
- EAEko aurrekontuetan horretarako izendatutako 200.000 euroko kontu-saila esleituko da
Gaur argitaratu da Euskal Herriko Agintaritzaren Aldizkarian joko patologikoari buruzko informazio eta prebentzio ekintzak burutuko dituzten irabazi asmorik gabeko erakundeei laguntzak emateko lehen lehendakariorde eta Segurtasuneko sailburu Josu Erkorekak sinatutako agindua.
Hain zuzen ere, atzo, Ausazko Jokorik Gabeko Egunarekin bat etorriz, elkartu zen Aitor Uriarte Joko eta Ikuskizunetako zuzendaria ludopatietan laguntza ematen duten eta Jokoaren Batzorde Tekniko Aholkularian parte hartzen duten hiru lurraldeetako elkarteekin –Asajer (Araba), Ekintza Aluviz (Bizkaia) eta Ekintza Bide (Gipuzkoa)– testua azaltzeko eta EHAAn gaur argitaratutako aginduan ezarritako lehiaketa-prozeduraren bidez laguntza jaso dezaketen ekintzak aurkeztera eta hedatzera eta horietan parte hartzera bultzatzeko.
