Berriak Osasuna

Osasun Sailak, 2020an, 108.000 euro bideratu ditu, osasun-arloko profesionalen prestakuntzarako beka eta laguntzetara (Gobernu Bilera 2020-10-6)

2020-10-06

Gobernu Kontseiluari Gotzone Sagardui Osasun sailburuak onetsitako aginduaren berri eman diote gaur; agindu horren bidez, 2020. urtean osasun-arloko profesionalen prestakuntzarako beka eta laguntzak deitzen dira.   

Laguntza-ildo horrek 108.010 euro ditu, eta Osasun Sailaren estrategian dirulaguntza jaso dezakeen jarduera-arlo nagusietako batean sartzen da; estrategia horren bidez, osasun-zerbitzuen kalitatearen hobekuntza sustatzen da, osasun-arloko kolektiboaren prestakuntza hobearen bidez.

Beka eta laguntzen deialdia, beraz, Euskal Osasun Sistemako osasun-langileek lanean duten gaikuntza areagotzea da. Hala, aurten ere beka eta laguntzak emango dira, batetik, ikastaroetara joan eta atzerriko zentroetan egonaldiak egiteko, osasun-zientzien eremuan ezagutzak areagotzeko. Eta, bestetik, honako eremu hauetan gaitasun aurreratuak eskuratzeko Estatuko zentroetan graduondoak egiteko: osasun-kudeaketa; osasun publikoa; zainketa aringarriak; familia-medikuntza eta komunitarioa; integrazio asistentziala; suizidioa prebenitzeko estrategia; Euskadiko Plan Onkologikoaren ekintzak; nahasmendu neurodegeneratiboak, edo generoa eta osasuna.   

Eskabideak aurkezteko hilabeteko epea dago, EHAAn agindu hau argitaratu eta hurrengo egunetik aurrera.

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko