Berriak Segurtasuna

Ertzaintzak legez kanpoko dokumentazioa faltsutzen eta saltzen zuen erakunde bat desegin du Donostian

2020.eko urriak 04

Bederatzi pertsona atxilotu dituzte Gipuzkoako hiriburuan

Ertzaintzak bederatzi pertsona atxilotu zituen ostegunean Donostian, dokumentazioa faltsutzearen eta legez kontra saltzearen delitua leporatuta. Hiru atxiloturi legez kontrako dokumentu horiek prestatzea eta banatzea leporatu diete. Ikerketak zabalik jarraitzen du. Polizia-operatiboa joan den ostegunean burutu zen Donostiako hotel batean, hauteman baitzuten pertsona bat ustez faltsua zen Estatu Batuetako pasaporte diplomatiko batekin erregistratu zela eta, gainera, hoteleko bilera-gela bat kontratatu zuela.


Donostiako Ertzain-etxeko patruilak instalazioetara hurbildu ziren beharrezko egiaztapenak egitera, eta adierazitako gelan zeuden edo gelatik irten berri ziren pertsonak identifikatu zituzten. Agenteek prebentziozko miaketa egin zieten pertsonei, eta gela ere miatu zuten. Bertan ustez faltsuak ziren dokumentu ugari eta diru-kopuru esanguratsua, dirudienez aipatutako dokumentuen salmentarekin erlazionatutakoa, aurkitu zituzten.

Europa erdialdeko herrialde bateko pasaporte baten, gidabaimen baten eta nortasun-agiri baten faltsifikazio hirukoiztuak ziren. Hoteleko gelaren aldameneko gela bat miatu zutenean, ertzainek arma detonatzaile bat eta armaren munizioa aurkitu zituzten. Hautemandako dokumentazioaz gainera, hainbat diru-kopuru ere konfiskatu zituzten, 600 eurotik hasi eta 8.000 eurora arte, ustez dokumentazio faltsua erosteko erabili behar zena. Inplikatuak ustez aurretik jarri ziren faltsifikatzaileekin harremanetan, eta, dirudienez, lehenengo ordainketa egin zuten, eta joan den ostegunean transakzioa amaitu behar zuten eta falta zen dirua ordaindu behar zuten.


Polizia-baliabideek Donostiako Ertzain-etxera eraman zituzten bederatzi pertsonak dagozkion ikerketa-eginbideak hasteko, eta inplikatu guztiak atxilotu zituzten. Atxilotuak nazionalitate ezberdinetako zortzi gizon eta emakume bat dira, 28 urtetik 50 urtera bitartekoak. Ertzaintzak ikertzen jarraitzen du, eta hautemandako agiri guztiak Polizia Zientifikoaren Unitatera bidaliko ditu azter ditzan.

Ertzaintzak bederatzi pertsona atxilotu zituen ostegunean Donostian, dokumentazioa faltsutzearen eta legez kontra saltzearen delitua leporatuta. Hiru atxiloturi legez kontrako dokumentu horiek prestatzea eta banatzea leporatu diete. Ikerketak zabalik jarraitzen du. Polizia-operatiboa joan den ostegunean burutu zen Donostiako hotel batean, hauteman baitzuten pertsona bat ustez faltsua zen Estatu Batuetako pasaporte diplomatiko batekin erregistratu zela eta, gainera, hoteleko bilera-gela bat kontratatu zuela.


Donostiako Ertzain-etxeko patruilak instalazioetara hurbildu ziren beharrezko egiaztapenak egitera, eta adierazitako gelan zeuden edo gelatik irten berri ziren pertsonak identifikatu zituzten. Agenteek prebentziozko miaketa egin zieten pertsonei, eta gela ere miatu zuten. Bertan ustez faltsuak ziren dokumentu ugari eta diru-kopuru esanguratsua, dirudienez aipatutako dokumentuen salmentarekin erlazionatutakoa, aurkitu zituzten. Europa erdialdeko herrialde bateko pasaporte baten, gidabaimen baten eta nortasun-agiri baten faltsifikazio hirukoiztuak ziren.


Hoteleko gelaren aldameneko gela bat miatu zutenean, ertzainek arma detonatzaile bat eta armaren munizioa aurkitu zituzten. Hautemandako dokumentazioaz gainera, hainbat diru-kopuru ere konfiskatu zituzten, 600 eurotik hasi eta 8.000 eurora arte, ustez dokumentazio faltsua erosteko erabili behar zena. Inplikatuak ustez aurretik jarri ziren faltsifikatzaileekin harremanetan, eta, dirudienez, lehenengo ordainketa egin zuten, eta joan den ostegunean transakzioa amaitu behar zuten eta falta zen dirua ordaindu behar zuten. Polizia-baliabideek Donostiako Ertzain-etxera eraman zituzten bederatzi pertsonak dagozkion ikerketa-eginbideak hasteko, eta inplikatu guztiak atxilotu zituzten. Atxilotuak nazionalitate ezberdinetako zortzi gizon eta emakume bat dira, 28 urtetik 50 urtera bitartekoak. Ertzaintzak ikertzen jarraitzen du, eta hautemandako agiri guztiak Polizia Zientifikoaren Unitatera bidaliko ditu azter ditzan.

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak