Berriak Ekonomiaren Garapena eta Azpiegiturak
Eu

Tapia: "Eztabaidan aritzea ez da gure enpresak aurrera ateratzeko formularik onena. Horren aurrean, malgutasuna behar da, eredu inklusiboa eta parte-hartzailea"

2020.eko uztailak 31

SEReko Hora 14 saioan elkarrizketa egin diote gaur Arantxa Tapia Ekonomiaren Garapeneko eta Azpiegituretako sailburuari:

"Eusko Jaurlaritzari aurrekontu egokiak egitea eta aurtengo aurrekontuak murrizketarik gabe gauzatzea ahalbidetuko dion akordioa lortzeko lanean aritu gara. Gaur egungo egoeran, eta urteetan defizita murrizten saiatu garen arren, zorpetze horretara jotzeko unea da, herritarrek sufritzen ari dena baino gehiago sufri ez dezaten. Gure borondatea murrizketarik ez egitea da. Albiste bikaina da, datorren urteari aurre egiteko aukera emango diguna, eta hemendik geratzen dena berme nahikoarekin.

% 2,6ko zorpetzeaz gain, Foru Aldundiek soberakinak erabili ahal izango dituzte, eta bigarren seihilekoan Euskadiko Ekonomia hobetzea espero dugu. Urtean zehar egoerak nola eboluzionatzen duen ikusi arte itxarongo dugu; bi alderdi desberdin baina oso osagarritik jarraituko dugu lanean: pertsonen osasuna mantentzea eta ekonomia eta enplegua aktibatzea eta suspertzea. Hori da premisa.

Oso errealistak izan behar dugu, harremanak ditugu Euskal Herriko industriako kluster guztiekin. 0ra murriztutako mugikortasuna duen konfinamenduaren ondoren, mugikortasunarekin lotutako industria-sektore osoa, automobilgintzatik hasi eta aeronautikatik amaituz, sufritzen ari da. Baina albiste onak ere izango ditugu, eta izaten ari gara, gure ekoizpen-ehuna eraldatzea bilatzen duten inbertsioei dagokienez, hori baita Europak eskatzen diguna.

Ez dugu pentsatzen martxoan bizi izan duguna bezalako beste konfinamendu bat. Beste herrialde batzuei begiratuta, unerik txarrenetan ere, ekonomia-sarea zaintzen ari dira. Beste kontu bat da zer murrizketa jarri behar diren, zer neurri hartu behar ditugun ondo ezagutzen ditugun arazoak dauden tokian. Asko ikasi dugu eta modu kirurgikoagoan jokatu behar dugu. Neurri murriztaileak bai, baina ez izan genituenak bezalakoak, bi gauzak uztartzea lortu behar baitugu: Osasun pertsonala eta produkzio-ehunaren biziraupena.

Kaleratzeen berri txarrak eta iragarpenak ditugu, baina azken urteotan egindako lan guztiaz jabetu behar dugu, eta enpresa parte-hartzaileagoa eta modernoagoa izateko moduari buruz Legebiltzarrean onartutako mozioak dioenaz. Zailtasunei aurre egiteko lehen neurria kaleratzea izan da, eta agian orain beste gauza batzuk egin daitezkeela pentsatu behar da. Malguagoak izatea, ordu-poltsak edo, ondoren, soldata berreskuragarria murriztea, enpresa-eredu inklusibo eta parte-hartzaileari jarraiki. Elkarri aurre egitea ez da gure enpresak aurrera ateratzeko formularik onena ".

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • 2020.eko abuztuak 04

    Emplear muletas como pueda ser la inteligencia artificial se encuentra incluso en móviles, para vencer resistencias de adaptación supongan retrocesos por baches se vean venir evitables y la inadaptación temporal o no, no deje ver más allá

Komunikabideek behera kargatzeko
Ekitaldiko kargudunak
(XI legealdia 2016 - 2020)