Berriak Gobernantza Publikoa eta Autogobernua
Eu

Ia 100 profesionalek parte hartu dute "Administrazio-prozedura eta sektore publikoaren araubide juridikoa berrikuntza teknologikoaren ikuspegitik” izeneko online jardunaldietan

2020.eko ekainak 24

IVAPek, Herri Arduralaritzaren Euskal Erakundeak, online egin ditu "Administrazio-prozedura eta sektore publikoaren araubide juridikoa berrikuntza teknologikoaren ikuspegitik” jardunaldiak. Guztira, euskal administrazio publikoetan lan egiten duten ia 100 pertsonak parte hartu dute topaketa horietan.

Elixabete Etxanobe Erakunde Harremanetarako sailburuordeak eman die hasiera jardunaldiei, eta Javier Bikandi Herritarrak Hartzeko eta Administrazioa Berritzeko eta Hobetzeko zuzendariak, berriz, amaiera.

Atzo eta gaur egin diren topaketetan, besteak beste, administrazio digitalaren araubide juridikoa eta administrazio publikoaren eremuko baliabide elektronikoen erabileraren ikuspegi berriak aztertu dituzte.

Izena eman duten pertsonek honako hauen hitzaldiak jarraitu ahal izan dituzte: Isaac Martín, Gaztela-Mantxako Unibertsitateko Administrazio Zuzenbideko irakasle titularra eta "Luis Ortega Álvarez" Europako Ikasketen Zentroko zuzendaria; Clara Velasco, Pompeu Fabra Unibertsitateko Administrazio Zuzenbideko irakasle agregatua; Eduardo Gamero, Sevillako Pablo de Olavide Unibertsitateko Administrazio Zuzenbideko katedraduna eta Montero-Aramburuko  abokatuen kontseilaria; Ignacio Criado Madrilgo Unibertsitate Autonomoko Zientzia Politikoko irakasle kontratatu doktorea; Isabel Gallego, Gaztela-Mantxako Unibertsitateko Administrazio Zuzenbideko irakasle titularra; Jorge Fondevilla, Administrazio Zuzenbidean doktorea Alacanteko Unibertsitatean; Rubén Martínez, Alacanteko Unibertsitateko Administrazio Zuzenbideko irakasle titularra; Ignacio Alamillo, Administrazio Zuzenbidean doktorea Murtziako Unibertsitatean eta IderTEc Taldeko ikertzailea; Julián Valero, Murtziako Unibertsitateko Administrazio Zuzenbideko katedraduna eta IderTEc ikerketa-taldearen koordinatzailea eat Agustí Cerrillo Catalunyako Universitat Obertako Administrazio Zuzenbideko katedraduna.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak
(XI legealdia 2016 - 2020)