Berriak Segurtasuna

Uztailaren 12an hauteskunde-mahaietan egongo diren pertsonak izendatzeko zozketak ekainaren 13tik 17ra bitartean egingo dira

2020-06-11

Guztira 24.000 pertsona baino gehiago hautatuko dira titular eta ordezko izateko

Vitoria-Gasteiz, 2020ko ekainak 11

Guztira 24.000 pertsona baino gehiago izango dira (8.000 bat titular eta 16.000 bat ordezko) datorren uztailaren 12an hauteskunde-mahaiak osatuko dituztenak. Erroldatuta dagoen eta irakurtzen eta idazten dakien 70 urtetik beherako edozein herritarrek jaso dezake hauteskunde-mahai bat titular edo ordezko gisa osatzeko deia, baldin eta ekainaren 13tik 17ra bitartean udaletxeetan egingo diren zozketetan hautatzen badute.

Ekainaren 13tik 17ra bitartean egingo dira udaletxeetan, eskualdeko hauteskunde- batzordeek gainbegiratuta, datorren uztailaren 12an hauteskunde-mahaiak osatuko dituzten 24.000 pertsona baino gehiago hautatzeko zozketak.

Udalerrian erroldatutako pertsona guztien artean zozketa bidez izendatutako lehendakari batek eta bi bokalek osatuko dute mahai bakoitza. Zozketa berean mahaiko kide bakoitzarentzako bi ordezko ere izendatuko dira. Legeak ezartzen duenez, erroldatuta dagoen eta irakurtzen eta idazten dakien 70 urtetik beherako edozein pertsonak jaso dezake hauteskunde-mahai bat osatzeko deia.

Izendapena hurrengo hiru egunetan jakinaraziko zaie hautatutako pertsonei. Jakinarazpenarekin batera, beteko dituzten eginkizunei buruzko jarraibideen eskuliburua entregatuko zaie, Eusko Jaurlaritzak egina eta hauteskunde-administrazioak gainbegiratua.

Hauteskunde hauetarako guztira 2.678 mahai jarriko dira. Lurraldez lurralde, Araban 426 mahai egongo dira, Bizkaia 1.400 eta Gipuzkoan 852.

2016ko hauteskunde autonomikoetan 2.593 mahai egon ziren; horrek esan nahi du aurten 85 mahai gehiago egongo direla, eta, hortaz, 765 pertsona gehiago izango direla mahaikide izateko deia jasoko dutenak.

Segurtasun Sailak jarraibideen eskuliburuaren 35.000 ale argitaratu ditu guztira, eta, besteak beste, hauteskunde-mahaiak osatzeko zozketa bidez izendatzen diren titularrei eta ordezkoei banatuko zaizkie. Eskuliburu hori ekainaren 14tik 20ra bitartean jasoko dute izendapenaren jakinarazpenarekin batera. Berrikuntza modura, jarraibideen eskuliburuari eranskin bat gehitu zaio, eta bertan uztailaren 12ko Eusko Legebiltzarrerako hauteskundeetarako jaso diren osasun-jarraibideak (hauteslekuek, hautesleek eta mahaiko kideek bete beharrekoak) Osasuneko sailburuordearen 2020ko ekainaren 1eko ebazpenean emandakoak dira.

 

Herritarren betebeharra

Lehendakari eta bokal karguak, edo hurrenez hurrengo ordezkoenak, nahitaezkoak dira erroldan erregistratuta dagoen eta zozketan horretarako izendatzen duten edonorentzat. Hauteskunde-egunean arrazoi justifikaturik gabe ez agertzeak espetxealdia edo isuna ekar dezake.

Alabaina, hauteskunde-legeak kasu jakin batzuetan betebehar horretatik salbuesteko aukera aintzat hartzen du, baldin eta horretarako arrazoi justifikatua eta dokumentatua badago. Horien artean daude kasu hauek:

  • Gaixorik dauden pertsonak eta ospitaleratuak. Hauteskunde-barrutitik kanpo bizi direnak.
  • Ontziratutako langileak.
  • Legean xedatutakoaren arabera hautaezinak diren pertsonak.
  • Seigarren hilabetetik aurrerako haurdunaldian dauden emakumeak eta amatasun-atsedenaldian daudenak.
  • Bederatzi hilabetera arte haurra edoskitzen ari diren emakumeak.
  • Hirurogeita bost urte edo gehiago dituzten pertsonak.

Gainera, ezin izango dira mahaikide izan hauteskunde-batzordeetako kideak, hauteskundeetan hautagai gisa parte hartzen dutenak, kargudun publiko hautatuak edo izendapen askekoak edo eskubide zibil eta politikoak erabat indarrean ez dituzten pertsonak.

Bestalde, mahaikide hautatuak izan diren pertsona gorrek, nahi izanez gero, zeinu-mintzairaren interprete baten laguntza izan dezakete mahaia osatzeko. Horretarako, harremanetan jarri beharko dute dagokien eskualdeko hauteskunde-batzordearekin.

Jakinarazpena jaso ondorengo zazpi egunetan, mahaikide izendatutako pertsonek alegazioak aurkeztu ahal izango dituzte eskualdeko hauteskunde-batzordearen aurrean. Horiek egiteko inprimakia webgune honetatik deskarga daiteke: www.hauteskundeak.eus

Hauteskunde-mahaietako lehendakariek edo bokalek pertsonako 85 euroko dieta jasoko dute. Gainera, Gizarte Segurantzaren estaldura izango dute, eginkizunak garatzen dituzten bitartean istripurik izanez gero.

 

Hauteskunde-mahaiaren erantzukizunak

Hauteskunde-mahaia arduratzen da bozketaren buru izateaz, botoak hartzeaz, boto-kontaketa egiteaz eta hauteskunde-egunean hauteskunde-legea betetzen dela zaintzeaz.

Hauteskunde-mahaia osatzeko izendatutako pertsonek –titularrek eta ordezkoek– goizeko zortzietan joan behar dute bozketa-egunean hauteslekura mahaia eratzeko. Egiaztatuko dute hautetsontzia eta bozketa-kabina egoera onean daudela, eta bertan direla boto-paperak, bozkatzeko gutun-azalak eta gainerako hauteskunde-inprimakiak.

Hauteslekua irekitzen denean, goizeko bederatzietan, hauteskunde-mahaia arduratuko da, besteak beste, hautesle bakoitza identifikatzeaz eta erroldan inskribatuta dagoen egiaztatzeaz.

Bozketa ixten denean, arratsaldeko zortzietan, posta bidezko botoak ireki eta hautetsontzian sartuko dituzte. Ondoren, hautetsontzia irekiko dute boto-kontaketa egiteko, eta hauteskunde-dokumentazioa epaitegian entregatuko dute.

Interneteko informazioa

www.hauteskundeak.eus web-orriaren bitartez, herritarrek Euskal Autonomia Erkidegoko uztailaren 12ko hauteskundeei buruzko informazio guztia aurki dezakete.

Atariak informazio ugari eskaintzen du hainbat alderdiren gainean: hauteskunde-prozesuaren kronologia, lege-esparrua, boto presentzialaren eta posta bidezko botoaren prozedurak, hautesleentzako eta hauteskunde-mahaiak osatzera deitutakoentzako gidak, galde-erantzunak, inprimaki elektronikoak, eta abar.

Halaber, Segurtasun Sailak hauteskunde-informazioa emateko beste bide batzuk ere prestatu ditu, hala nola, kontsulta pertsonalizatuak egiteko aukera eskaintzen duen 012 telefonoa, edo hauteskunde-prozesuarekin erlazionatutako albisteak denbora errealean ematen dituen @hauteskundeak Twiter kontura harpidetzeko aukera.

 

2 iruzkin
  • Irekia
    2020-06-29

    Estimada Solidaria

    En los siete días siguientes a la recepción de la notificación las personas designadas miembros de mesa podrán presentar alegaciones ante la Junta Electoral de Zona. El impreso para realizarlas se puede descargar de la web www.elecciones.eus.

    Un saludo

  • 2020-06-28

    Estimados señores, me ha llegado la notificación de asistir a la mesa electoral como vocal y he estado mirando las excusas posibles para no asistir y no encuentro ninguna que hable del miedo a ser contagiada de Covid 19.
    El miedo al contagio que siento no es irracional y está fundamentado dado que mi madre murió en fechas recientes y en pleno confinamiento y por lo tanto les ruego lo tengan presente y me permitan no acudir y evitar males mayores como el de no poder ejercer mi responsabilidad al ciento por ciento debido al miedo.
    Atentamente

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XI legealdia 2016 - 2020)