Eu

Eusko Jaurlaritzak erabaki du 'Kulturako langileentzako programa'-ren bidezko laguntzak eskatzeko epea luzatzea

2020.eko maiatzak 21
  • Kultura eta Hizkuntza Politika Sailak eta Lanbidek erabakitako luzapenaren ondorioz, epea ekainaren 1era arte luzatuko da.
  • Araubide Orokorrean zein Langile Autonomoen Araubide Berezian alta emanda dauden langileei zuzenduta dago deialdia.

 

Gasteiz, 2020/05/21       

Eusko Jaurlaritzak erabaki du 'Kulturako langileentzako programa'-ren bidezko laguntzak eskatzeko epea luzatzea. Lanbidek eta Kultura eta Hizkuntza Politika Sailak bultzatutako deialdi honetara aurkezteko epea maiatzaren 12an hasi zen (deialdia Euskal Herriko Agintaritzaren Aldizkarian argitaratu eta hurrengo egunean) eta datorren astelehenean, hilak 25, amaitu behar zen. Orain, Kultura eta Hizkuntza Politika Sailak eta Lanbidek erabakitako 5 laneguneko luzapenari esker, epea ekainaren 1era arte luzatuko da.

Eusko Jaurlaritzak argitu nahi du, halaber, laguntzak Araubide Orokorrean zein Langile Autonomoen Araubide Berezian alta emanda dauden langileei zuzenduta daudela. Eusko Jaurlaritzaren helburua da laguntzak eskatzen dituzten langile guztiengana iristea, baldintzak betetzen badituzte. Laguntzen aurrekontua ez bada nahiko eskatzaile guztiei erantzuteko, deialdiak mekanismoak aurreikusi ditu laguntzak banatzeko hurrenkera ezartzeko (ez da lehenetsiko eskabidea aurkezteko eguna). Laguntza horiez gain, Eusko Jaurlaritzak kulturaren arloko mikroenpresei zuzendutako 2 milioi euroko partida onartu berri du.

Deialdia

Programa hau zuzenduta dago egoitza pertsonala eta fiskala Euskadiko Autonomia Erkidegoan duten, adinez nagusiak diren eta Pertsona Fisikoen Errentaren gaineko Zergaren aitorpenean artisten jarduera profesionala duten pertsonei (oharraren amaieran, laguntzak jaso ditzaketen jardueren zerrenda erantsi da). Era berean, deialdian jaso da Covid 19aren ondorioz jarduerak eta programak bertan behera utzi behar izan zaizkiela.

Laguntza horiek jaso ditzaketen pertsonak, gainera, era esklusiboan aritu behar dira profesionalki behar behera geratutako kultura-jardueran. Jarduera horretan esklusiban aritzen direla ulertuko da haien diru-sarreren % 60 hartatik eskuratzen dutenean.

Arau orokor gisa, laguntzaren hileko zenbatekoa hauxe izango da: 2019an izandako dirusarrera garbien hileko batez bestekoaren % 70aren baliokidea (betiere kultura edo arteari lotutako jarduera kontuan hartuta). Gehienez 1.200 euro jaso ahal izango dira hile bakoitzean. Pertsona eskatzailea kultura edo artearen arloan profesionalki 2020ko urtarrilaren 1etik 2020ko martxoaren 13ra hasi bada, biak barne, zenbatekoa 950 euro/hilabete izango da (gutxieneko soldata, alegia).  Halaber, laguntzak iraungo du 2020ko martxoaren 14tik harik eta Alarma Egoera bukatzea agindu eta kultura- zein arte-arloko ekitaldi kolektibo presentzialetara itzultzea baimentzen den azken egun arte. Gehienezko epe bat ezarri da: 6 hilabete.

Diru-laguntzak jasotzeko eskaerak Lanbideren egoitza elektronikoaren bitartez aurkeztuko dira, ahal dela, hau da, www.lanbide.euskadi.eus webgunearen bidez. Baldin eta pertsona eskatzaileak beharrezko bitarteko elektronikorik ez badu, eskaera Zerbitzu Orokorretan edo Lanbide Euskal Enplegu Zerbitzuaren edozein Enplegu Bulegotan aurkez dezake, baita Administrazio Publikoen Administrazio Prozedura Erkidearen 39/2015 Legeko 16.4 artikuluan ezarritako beste edozein bitartekoren bitartez ere.

Eusko Jaurlaritzako Kultura eta Hizkuntza Politika Sailak aholkularitza pertsonalizatu bat eta bi gida jarri ditu martxan kulturaren langileei zuzenduta, Covid-19aren krisiaren aurrean  martxan jarritako neurri hauen eta beste batzuen berri emateko. Interesatuek Kulturklik Pro-n eskura dezakete aholkularitza hori (kulturklik.euskadi.eus/aholkularitza/).

 

 

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • Kultura eta Hizkuntza Politika saila
    2020.eko maiatzak 25

    Estimada Rakel,

    Las ayudas no se adjudicarán por sorteo. En caso de que el montante a adjudicar superase el presupuesto de 2,5 millones de euros, se ha habilitado un mecanismo para decidir por dónde se comienzan a tramitar los expedientes. El objetivo es que los primeros expedientes en ser estudiados no sean los de quienes los han hecho llegar en primer lugar porque quizá cuentan con más medios. Un sorteo ante notario decidiría, en su caso, el orden en el que se estudiarán; la adjudicación de las ayudas se realizará o no si se cumplen los criterios y condiciones recogidos en el pliego. Se trata de un mecanismo habitual.

    En todo caso, el Gobierno Vasco ha puesto en marcha una asesoría gratuita dirigida a aclarar este tipo de dudas. Puede consultar a esta asesoría en el siguiente enlace: https://www.kulturklik.euskadi.eus/z12-aholkpro/es/

    Saludos.

  • 2020.eko maiatzak 24

    Necesidad de confirmar la siguiente información:

    La adjudicación de estas ayudas se realizará mediante sorteo entre las solicitudes presentadas. ¿es este el criterio? o si no lo es cuál es?

    ¿Es incompatible con otra prestación o ayuda a interpretes afectados por la covid19??

    Muchas gracias

Ekitaldiko kargudunak