Berriak Turismoa, Merkataritza eta Kontsumoa

Sonia Pérez Ezquerra sailburuak Euskadiko turismoa sustatzeko hainbat kanpaina iragarri ditu Radio Vitorian, turista nazionalari zuzenduta

2020.eko maiatzak 20

Sonia Perez Ezquerra Eusko Jaurlaritzako Merkataritza eta Turismo sailburuak gaur Gasteizen esan duenez, turismoaren sektoreko udako kanpaina, besteak beste, Europako Batzordeak mugak irekitzeko egutegi bateratu batekin ezarriko dituen baldintzen mende dago. Aurrerapen horiek nazioarteko turismoaren aurreikuspena hobetzen dute, baina zehaztu du, zuhurtasun-printzipioagatik, bere sailak epe laburrean lehentasuna ematen diola tokiko eta nazional turismoari herrialdearen marka indartzeko. Europako Batzordeak turismoa lehentasunezkotzat jo du susperraldi ekonomikoaren barruan, eta mugak irekitzeko estrategia bateratua da lanean ari dena.


Edonola ere, uztailera eta abuztura begirako kanpainak barne turismo nazional horri zuzenduta egongo dira. Sailburuak azaldu duenez, Euskadik posizio pribilegiatua du, eta, horri esker, turismo-eskaintza askotarikoa du. Bisitariengan konfiantza sortzeko eta segurtasun-sentsazioa berreskuratzeko kanpaina. "Euskadi zure zain" izan da ekainera arte jarraituko duen lehen kanpaina, Euskadiren irudia naturagune seguru gisa sustatzeko, gustu guztietarako eskaintza askotarikoarekin.


Bigarren etapa batean, Pérez Ezquerra sailburuak honako hau adierazi du: "Hain ezagunak ez diren baliabideei ikusgarritasuna emateko barne-turismoko kanpaina bat abiatuko dugu, eguneko edo hainbat etapatako planetan oinarrituta, tokiko edo inguruko erkidegoetako bidaiariek egin ahal izan ditzaten. Horretarako, landing page espezifiko bat sortuko dugu kanpainak bidaliko dituen plan horiekin, eta etapa luzeagoetarako edo zirkuituetarako The Basque Route delakoan lagunduko dugu, aurreko denboraldietan baino promozio biziagoarekin, ahal bada ".

Iruzkin bat
  • 2020.eko maiatzak 21

    Está bien además tener indicadores de zonas de más riesgo donde se juntan más personas para tratar de tomar mejores decisiones itinerarios con la información en la mano.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak