Eu

Euskadiko hondakin sanitarioak % 400 hazi dira COVID-19aren ondorioz

2020.eko maiatzak 16

Maiatzak 17, Birziklapenaren Munduko Eguna

 

  • Martxoaren erdiaz geroztik, joerak gora egin du aurreko urteko data berberarekin alderatuta.
  • Euskal Autonomia Erkidegoak baditu zenbait instalazio hondakin horien tratamendurako, eta bi planta esterilizazioaren bidezko tratamendurako.


Eusko Jaurlaritzako Ingurumen Sailak % 350 eta % 400 bitarteko hazkundea erregistratu du sortutako hondakin sanitarioen kopuruan, pisuaren arabera neurtuta, iragan martxoaz geroztik eta aurreko urtearekin alderatuta. Hondakin sanitarioen hazkunde hori bat dator beste autonomia erkidego batzuekin erregistratutakoarekin, eta COVID-19 pandemiaren testuinguruan kokatu behar da.

Hondakin sanitarioen kudeaketarako Euskal Autonomia Erkidegoan aplikatzen ari den dinamika pandemiaren aurretik zegoen dinamika berbera da, eta EAEko hondakin sanitarioei buruzko martxoaren 3ko 21/2015 Dekretuan ezarritako jarraibideak betetzen ditu, bai hondakinak zentro sanitarioetan biltegiratzeko jarraibideei dagokienez eta bai hondakin sanitarioen kanpo-kudeaketari dagokionez.

Euskadin Eusko Jaurlaritzak baimendutako 4 enpresa daude, hondakin sanitarioetarako instalazioak dituztenak eta hondakin horiek ospitale edo egoitzetan jasotzen dituztenak. Abisua jasotzen dutenean, enpresa horiek haien bilketa antolatzen dute, dela bitarteko biltegiratze-instalazio batera eramateko dela azken tratamenduko planetara zuzenean eramateko. Euskadik bi tratamendu-planta ditu horrelako hondakinen tratamendurako, eta hori ahalbidetzen ari da sortutako hondakinen hazkundeari irteera azkarra ematea. Esterilizatuta daudenean, hondakin horiek uzten diote infekzioso izateari, eta hortik aurrera udal hondakinekin pareka daitezkeen hondakin bezala kudeatzen dira.

Ospitale eta egoitzetan sortutako hondakin sanitarioen kantitatearen hazkunde mardul horren aurrean, Ingurumen Sailak ahalik eta gehien handitu ditu orain dauden instalazio baimendu batzuen biltegiratze-kapazitateak, bilketa eta biltegiratzerako espazio egoki eta nahikoak daudela segurtatzeko. Halaber, autoklabe berri baten instalazioa baimentzeko lanak egiten ari dira, hau da, esterilizazio-planta berri bat, esterilizazioaren bidez tratatzeko kapazitatea handitu ahal izateko oraingo egoerak dirauen bitartean.

“Bidezkoa da aipatzea enpresa horiek, batez ere haien langileek, oso ahalegin handia egin dutela eta azkar egokitu direla hondakinen sorrera mailan gertatutako igoera horri eraginkortasunez erantzuteko, ospitale eta egoitzek une hauetan dituzten zerbitzu-beharrak betez eta lan-kate osoaren funtzionamendu egokia ahalbidetuz”, adierazi du Elene Moreno Ingurumeneko Sailburuak.

“Ahalegin horiei esker, Euskadin ez beharrezkoa izan kokagune berririk gehitzea. Edonola ere, Eusko Jaurlaritzako Ingurumen Administrazioaren Zuzendaritzatik beharrezkoak diren aurretiko lanak egin dira, eta prest gaude erantzun azkar bat emateko zentzu horretan, beharrezkoa izango balitz”, esan du Morenok amaitzeko.

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • 2020.eko maiatzak 17

    Se generan muchos residuos y las personas tienen que estar concienciadas se trata de reducir, reutilizar y reciclar ahora sobre todo desde la preventiva. Todavía hay quien debe de tirar colillas al suelo y se cree en todos sus derechos como que haya después quien lo barra si no acaba por el alcantarillado y en los mares y ríos llegando a la cadena de suministro de alguna forma tanto residuo. No cuesta nada tener un cenicero portátil para introducir la colillas y después tirarlas al contenedor que corresponda, se dice hasta se pueden reciclar algunos usos aplicaciones con los materiales de las mismas.

  • @ErrekaldeEAJPNV
    2020.eko maiatzak 16

    Comentario de Twitter:
    RT @Irekia: ♻️ Euskadiko hondakin sanitarioak % 400 hazi dira #COVID19'aren ondorioz ➡︎ https://t.co/vgO0AJb7MA https://t.co/LDABwnpQ0a

Komunikabideek behera kargatzeko
Ekitaldiko kargudunak