Eu

ETSk gaur jarri ditu martxan Kurtzea-Lezamako tren geltokiko igogailuak

2020.eko maiatzak 06

Euskal Trenbide Sareak gaur ireki ditu Matiko-Lezama lineako Kurtzea-Lezamako geltokiko trenbide gaineko oinezkoentzako igarobiderako bidea ematen duten igogailuak. Helburua, bi nasen arteko sarbide zuzena ematea eta trenaren erabiltzaileen eta herritarren irisgarritasuna hobetzea da, izan ere, orain arte geltoki kanpotik zihoan lur azpiko igarobide bat baino ez zegoen. Igarobidea joan den otsailean ireki zen, baina eskaileretatik baino ezin zitekeen bertara heldu. Hori dela eta, gaurtik aurrera, mugikortasun urria duten pertsonei ere irisgarritasuna bermatzen zaie.

Bilboko metroaren 3. linea Txorierriko hainbat terminaletan homogeneizatzeko lanak duela urte batzuk hasi ziren. Ordura arte desberdinak ziren, eta ez zioten diseinu eta funtzionalitate irizpide berari erantzuten. Lan horiei esker Kurtzea-Lezamako geltokia berriztatu ahal izan zen. Ordutik, BI-737 errepidetik eta Aretxalde auzoko 144 zenbakiaren inguruetatik sartu daiteke. Bi kasuetan, arrapala baten eta eskailera batzuen bitartez hel daiteke bertara. Nasa batetik bestera igarotzeko, berriz, lur-azpiko pasabide batetik egiten zen orain dela gutxi zabaldu zen igarobidea erabili arte. Lehen zegoen pasabidea, puntu beltza izateaz gain, ezin zuten erabili mugikortasun urria zuten pertsonek.

Lanen barruan, igogailuen behealdeko zuloen hutsunea sortzeko zeuden lurren hondeaketa lanak, euspenerako hormak eta zuloko euskarrien zimendatze lanak egin dira. Igogailu panoramikoek zortzi pertsonarentzako ahalmena (630 kg), telefono bidezko konexioa eta bideo-zainketa sistema dute.

Igogailuei erantsitako eskailerak, gaueko argiztapena duen 12 metroko luzerako igarobide batek lotzen ditu. Horrela, trenbideak gainditzen dira eta bi nasak geltokiaren kanpoaldetik modu irisgarrian lotzea lortzen da, eta auzotarren mugikortasuna ere hobetzen da. Azkenik, behealdeko igarobidea kendu egin da, betelanak eginez.

 

5 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • 2020.eko maiatzak 09

    Bien obligar mascarilla en distintos elevadores en la ciudad, a falta de ventilación el aire puede estar viciado, incluso haya quien fuma marihuana dentro y debe detectarse incumplimientos penalizar.

  • 2020.eko maiatzak 06

    Idem para detectar personas fuman en los ascensores y se bloquee al caso dando señal de alarma a personal seguridad tome acciones oportunas.

  • 2020.eko maiatzak 06

    Poner teledetección inteligente para que no se queden los brazos atrapados en las puertas en algunos ascensores antiguos ni se cierren las puertas cuando se está a punto de coger espere a llegada persona usuaria es inminente y no suba o baje sin carga o cargado de menos una vez se vaya superando el confinamiento se antoja un poco lento ya que el cambio climático nos llena de sorpresas nos dejan más incertidumbre ralentiza la toma de decisiones se dice.

  • @ETS_RFV
    2020.eko maiatzak 06

    Comentario de Twitter:
    RT @Irekia: ℹ️ @ETS_RFV pone hoy en servicio los ascensores de la estación de ferrocarril Kurtzea-Lezama ➡︎ https://t.co/3FdbbQSkQj https:/…

  • @ETS_RFV
    2020.eko maiatzak 06

    Comentario de Twitter:
    RT @Irekia: ℹ️ @ETS_RFV'k gaur jarri ditu martxan Kurtzea-Lezamako tren geltokiko igogailuak ➡︎ https://t.co/0JP9LiIaxO https://t.co/5w1cGm

Komunikabideek behera kargatzeko
Ekitaldiko kargudunak