Gobernuak Kontseiluak 2021rako Laneko Jaiegunen Egutegia onartu du (Gobernu Bilera 2020-05-05)
Gobernu Kontseiluak hurrengo urterako Euskal Autonomia Erkidegoko Laneko Jaiegunen Egutegi Ofiziala onartu du.
2021an, urte osoko igandeak eta jaiegun hauek baliogabetzat hartuko dira lan-ondorioetarako, eta ordaindu egingo dira eta ez dira berreskuratu beharko:
- Urtarrilaren 1a, Urteberri-eguna.
- Urtarrilaren 6a, Errege-eguna.
- Martxoaren 19a, San Jose.
- Apirilaren 1a, Ostegun Santua.
- Apirilaren 2a, Ostiral Santua.
- Apirilaren 5a, Pazko astelehena.
- Maiatzaren 1a, Lanaren jaieguna.
- Urriaren 12a, Espainiako jai nazionala.
- Azaroaren 1a, Domu Santu eguna.
- Abenduaren 6a, Konstituzio eguna.
- Abenduaren 8a, Sortzez Garbiaren eguna.
- Abenduaren 25a, Eguberri eguna.
Lan-ondorioetarako, jaiegun izango dira, hau da, ordaindu egingo dira eta ez dira berreskuratu beharko, tokian tokiko jaietako bi egun. Lan eta Justizia Saileko lurralde-ordezkariek ezarriko dituzte bi egun horiek, Udalen Udalbatzek proposatuta, eta komunak izan daitezke, ala ez, lurralde historiko bakoitzeko udal-mugarteetan.
Udalek haien proposamenak egin eta dagokien lurralde-ordezkaritzara bidali beharko dituzte hilabeteko epean, betiere Gobernu Kontseiluak gaur onartutako Dekretua Euskal Herriko Agintaritzaren Aldizkarian argitaratu eta hurrengo egunetik hasita.
