Berriak Lehendakaritza

Lehendakariak Gasteizen desinfekzio lanetan ari diren langileen lana eskertu du

2020.eko maiatzak 04

Iñigo Ukullu Lehendakariak, Segurtasuneko sailburu Estefanía Beltrán de Herediak eta Gasteizko alkate Gorka Urtaranek eskerrak eman dizkiete osasun-krisian Gasteizko hiria desinfektatzen ari diren langileei.

DESINFEKZIO-ZERBITZU BEREZIAK

Gasteizko desinfekzio-zerbitzu bereziak martxoaren hasieratik ari dira lanean kaleak, espazio publikoak eta pertsonen joan-etorri handieneko guneak desinfektatzen.

Desinfektazio lanak kanpoaldeko eremu publikoetan egiten dira, bereziki honako hauetan: edukiontzien heldulekuetan, paperontzietan, bankuetan, eskudeletan, farmazietako sarreretan, supermerkatuetan eta, oro har, elikadura-dendetan, hirigune historikoko eskailera mekanikoetan, bilketa pneumatikoko postontzietan eta autobus- eta tranbia-markesinetan. Gainera, egunero bermatzen dada Gasteizko bi ospitaleak, anbulatorio guztiak, osasun-zentroak, Lakua hotela, tren eta autobus geltokiak, adinekoentzako egoitza-baliabide guztiak eta Gasteizko gizarteratzeko baliabide guztiak desinfektatzen direla. Gainerako zonaldeak 48-72 orduko maiztasunarekin artatu dituzte.

Informazio gehiago hemen: https://www.vitoria-gasteiz.org/we001/was/we001Action.do?lang=eu&locale=eu&idioma=eu&accion=mediosComunicacion&accionWe001=ficha

 

Oraindik ez dago iruzkinik
Iruzkinak itxita daude dokumentu honetan
Ekitaldiko kargudunak
Beste gonbidatu batzuk
  • Gorka Urtaran