Berriak Osasuna

Osasun Sailak eta UPV/EHUk elkarlanean jarraituko dute koronabirusari aurre egiteko

2020.eko apirilak 20

Osasun Sailak, Euskal Herriko Unibertsitateak eta Osakidetzak berretsi egiten dute elkarlanerako bide bat ezarri behar dela Euskadin koronabirusari aurre egiteko, ikerketarekin lankidetzan arituz. UPV/EHUk Carlos III.a Osasun Institutuak (ISCIII) COVID-19rekin lagin klinikoen PCR analisiak egiten laguntzeko laborategi gisa gaitzeko prozedura gainditu ondoren, bi erakundeek lankidetza estutzen ari dira horiek erabiltzeko aukerak aztertzeko.

Azken egunetan egindako bilera teknikoek UPV/EHU buru duen ikerketa-proiektua aztertzeko balio izan dute, COVID-19 detektatzeko proba bat prest jartzearekin lotuta. Bi aldeak bat etorri ziren Carlos III.a Institutuak trebakuntza lortzea "albiste ona" dela Euskadiko ikerketa-eremuarentzat, zorroztasuna eta aintzatespena ematen diolako.

Lortutako trebakuntzak UPV/EHUko, Ikerbasqueko, Achucarro Zentruko eta Biofisika Bizkaia Fundazioko ikertzaileek guztiek erabilitako teknika ona aintzatesten du. Hala ere, froga gehiago egitea falta da, infektatutako pertsonengan erabilgarria izan dadin. Asistentzia-eremuan teknika bat erabili ahal izateko ohiko prozesua da. Horretarako, UPV/EHUko ikertzaileek eta Osakidetzako asistentzia-langileek lan estua egiten jarraituko dute datozen egunetan, proba ahal bezain laster eskuragarri izateko, eta, ondoren, proba horiek erabiltzeko dauden aukerak aztertzeko, betiere asistentzia-eremuaren babespean, eta lankidetza-hitzarmen baten babespean. Kontuan izan behar da, gainera, EHUk testak egiteko duen gaitasuna 500 eta 1.000 artekoa dela egunean.

 

LANKIDETZA ESTUA

Gogoratu behar da bi erakundeen arteko elkarlana etengabea dela. Izan ere, pandemiari aurre egiteko Osakidetzak garatutako Kontingentzia Planaren barruan dago unibertsitateko laborategia. UPV/EHUz gain, plan honek beste baliabide garrantzitsu batzuk ere baditu, hala nola osasun-ikerketako institutuak (Biocruces Bizkaia, Biodonostia eta Bioaraba), Zientzia, Teknologia eta Berrikuntzaren Euskal Sareko 16 zentro teknologiko eta ikerketa kooperatiboko zentroak, Eusko Jaurlaritza, Arabako, Bizkaiko eta Gipuzkoako foru-aldundiak eta SPRI taldea, azken hauek BRTA taldekoak.

Berririk dagoenean, bi instituzioek honen inguruko informazioa helaraziko dute.

 

2020ko apirilaren 20a

6 iruzkin
  • @J7Salva
    2020.eko apirilak 24

    Comentario de Twitter:
    @jpermach En vez de opinar" mejor te informas bien.
    https://t.co/9romgHtix1

  • @bilbokua
    2020.eko apirilak 20

    Comentario de Twitter:
    RT @osakidetzaEJGV: 🔬 Departamento de Salud y la @UPVEHU seguimos colaborando para hacer frente al #coronavirus ➕ https://t.co/yxAJJOnP9a h…

  • @enekoaxpe
    2020.eko apirilak 20

    Comentario de Twitter:
    RT @Irekia: ℹ️ Osasun Sailak eta @upvehu'k elkarlanean jarraituko dute #koronabirusa-ri aurre egiteko ➡︎ https://t.co/76ZdUdVVko https://t.…

  • @enekoaxpe
    2020.eko apirilak 20

    Comentario de Twitter:
    RT @Irekia: ℹ️ El Departamento de Salud y la @UPVEHU seguirán colaborando para hacer frente al #coronavirus ➡︎ https://t.co/wVXbqUrCQZ http…

  • @OSIArabaESI
    2020.eko apirilak 20

    Comentario de Twitter:
    RT @osakidetzaEJGV: 🔬 Osasun Sailak eta @upvehu-k elkarlanean jarraituko dugu #koronabirusa-ri aurre egiteko ➕ https://t.co/89CJ7WoyuQ http…

  • @OSIArabaESI
    2020.eko apirilak 20

    Comentario de Twitter:
    RT @osakidetzaEJGV: 🔬 Departamento de Salud y la @UPVEHU seguimos colaborando para hacer frente al #coronavirus ➕ https://t.co/yxAJJOnP9a h…

Iruzkinak itxita daude dokumentu honetan
Komunikabideek behera kargatzeko