Berriak Osasuna
Eu

Osasun Sailak Osakidetzako profesional guztiei egingo dizkie testak euren eta pazienteen segurtasuna indartzeko

2020.eko apirilak 18
  • Ospitaleratzeen beheranzko joerari eusten bazaio, pixkanaka jarduera asistentziala errekuperatzeko prozesuari ere ekingo zaio
  • Atzo egindako proben % 9k negatibo eman zuten, 12.355 dira kutsatuak, 1.020 hildakoak eta 6.556 osatu direnak edo alta emanda daudenak

Osasun Sailak Osakidetzako profesional guztiei egingo dizkie test azkarrak. Eremu soziosanitarioko ia langile guztiei probak egin ondoren, Osakidetzako profesionalei testak egiteko faseari ekingo zaio orain, antigorputzak zenbat profesionalek sortu dituzten identifikatzeko eta, era horretara, euren eta pazienteen segurtasuna indartzeko.

Horixe eman du jakitera gaur Eusko Jaurlaritzako Osasuneko sailburu Nekane Murgak, eta azaldu du test azkarrak lehenbizi arrisku berezia duten kolektiboei egingo zaizkiela, hau da, ZIUetako eta larrialdietako pertsonalari edo COVID pazienteak artatzen aritu direnei. Horrez gainera, kirurgietako taldeei eta paziente onkohematologikoak artatzen dituzten unitateetako pertsonalari ere egingo zaizkie. Ondoren, eta pixkanaka, Osakidetzako gainerako profesional guztiei egingo zaizkie, 35.000 pertsonari gutxi gora behera.

Gaurko agerraldian, Nekane Murga sailburuak nabarmendu du gero eta jende eta kolektibo gehiagotara iristeko egiten ari diren ahalegin handia. Atzo ere proba kopuru handia egin zen, 2.999, eta horietatik % 9k eman zuten positibo, orain arteko ehunekorik txikiena izanik. Guztira, 51.274 proba egin dira oraindaino.

Atzo arratsaldeko 20:00ak arte konfirmatutako beste 266 positibo izan dira Euskadin, eta kutsatutakoak, beraz, 12.355 dira guztira. Horietatik 1.076 gure ospitaleetan ingresatuta daude. Lurraldez lurralde:

  • ARABAN, 3.194 kutsatu daude, eta horietatik 174 ospitalean daude.
  • BIZKAIAN, 6.868 lagun daude kutsatuta, eta horietatik 664 ospitalean daude.
  • GIPUZKOAN293 dira positiboak, eta horietatik 238 daude ospitalean.

Nekane Murgaren hitzetan, hildakoen kopurua da gaurkoan ere pandemiaren alderdirik dramatikoena. Atzo beste 28 hildako zenbatu ziren, eta guztira, beraz, 1.020 dira Euskadin hil diren pertsonak. Datu horri kontrajarrita, jada 6.556 dira erabat osatu diren edo alta emanda dauden pertsonak.

Apirilaren 18ko eguneratzea

Kasu positibo berriak

Pertsona ospitalizatuak

Hildako pertsonak

Kasu positiboak GUZTIRA

ARABA

38

174

308

3.194

BIZKAIA

201

664

515

6.868

GIPUZKOA

27

238

197

2.293

EUSKADI GUZTIRA

266

1.076

1.020

12.355

 

Era berean, berriz ere behera egin du ospitaleratuen kopuruak, atzo bezperan baino 67 pertsona gutxiagorekin, eta apirilaren 1ean zeudenen % 40 baino gutxiago.

Hain zuzen ere, Nekane Murgak jakitera eman du, zuhurtzia handiz, joera horrek jarraitzen badu, pixkanaka Osakidetzaren jarduera asistentziala berreskuratzen hasiko dela, beti zuhurtzia handiz, normaltasuna berreskuratzen joateko. Prozesu hau arlo asistentzial guztietan planifikatuko da, pixkanaka eta pandemiak datozen asteotan izaten duen bilakaerara eta herritarren premiarik larrienetara egokituta.

Horrela, jada ari dira lanean lehen-mailako arretaren jardueraren, biztanleria bahetzeko programen, kanpoko kontsulten, proba osagarrien eta ebakuntza kirurgikoen esparruan programaziora itzultzeko fasea bideratzeko erreferentzia izango diren gidalerro korporatiboak jasoko dituen planaren garapenean. Aldi berean jada ari dira berreskuratzen zentroetan COVID pazienteak artatzeko erabilitako eremuak, eta, behar bezala garbitu eta desinfektatu ondoren, gainerako pazienteak hartzeko prest egongo dira. Hori bai, zentroek oraindik ere eremu eta zirkuitu espezifikoak izan beharko dituzte COVID pazienteentzat.

Hasieran, larriak diren eta lehentasuna duten kontsultak, probak eta kirurgiak programatuko dira, beti irizpide klinikoei jarraituz. Eta, ondoren, pandemiaren ondorioz bertan behera edo etenda geratu ziren jarduera programatuei ekingo zaie.

Hori guztia epidemiaren portaeraren arabera egingo da, eta ezin da baztertu, beraz, programatutako jarduerak berriz ere atzeratu daitezkeela egoerak okerrera egingo balu. “Lehentasuna osasun-larrialdi hau gainditzea da, eta hartuko diren neurri guztiak helburu horrek baldintzatuko ditu”, adierazi du Osasuneko sailburuak.

Azkenik, behin berriro ere Osakidetzako profesionalen lana goraipatu nahi izan du sailburuak, pandemiaren aurkako borrokaren benetako protagonistak direla-eta. Hain zuzen  ere, kartel baten bidez, non zerbitzu ezberdinetako profesionalak agertzen diren eta esaldi bakarra irakur daitekeen: “eskerrik asko!”.  

Informazio gehiago, datuen buletinean:

https://www.euskadi.eus/contenidos/informacion/boletin_coronavirus/es_def/adjuntos/17_abril_Boletin.pdf

3 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @acondemellado
    2020.eko apirilak 20

    Comentario de Twitter:
    @chatifue Pues la consejera de sanidad ha dicho que sí.
    https://t.co/m5nxHCaRPL

  • 2020.eko apirilak 19

    A desafíos climáticos y sus consecuencias ya padecemos hay que reinventar el sistema económico, no especular con quien más o menos tiene cuando además los problemas son globales nos afectan a todo el mundo y no entiende de dinero aunque en ocasiones pueda ayudar no tiene valor confundir valor con precio. Es como matar a la gallina de los huevos de oro como queriendo obtener más huevos, nos quedamos sin gallina y sin huevos.

  • 2020.eko apirilak 18

    Bien extender a todo el personal trabaja en zonas de más riesgo da la cara frente al riesgo biológico de primera mano y hacer seguimiento del entorno para lo cual hay que digitalizar zonas de posible contacto o exposición al riesgo, preparar red para un posible rebrote a mal tiempo tener infraestructura de red de datos, ciencia de datos minimizando riesgos sobre todo en zonas de más exposición y una vez se vaya haciendo el desconfinamiento con medidas preventivas red de seguimiento.

Ekitaldiko kargudunak