Berriak Ekonomiaren Garapena eta Azpiegiturak

Covid 19aren osteko berrindustrializazio berri baterako ari da prestatzen Euskadi

2020.eko apirilak 15
  • ETEei laguntzeko planak bihartik aurrera jasoko du Bideratu Covid19 berria, 20 milioi eurokoa, krisian dauden enpresak berregituratzeko eta bultzatzeko.
  • Covidak eragindako krisialdian dauden enpresa txiki eta ertainei bideratutako programak bideragarritasun-plan bat diseinatu beharko du.
  • Ohiko Bideratu programak ez bezala, Eusko Jaurlaritzak jarriko du kapitala, enpresaren ekarpenik behar izan gabe.

Eusko Jaurlaritzak, Covid 19ren ondorioz Euskadik bizi duen krisi ekonomiko eta industrial larriaren jakitun, premiazko programa berri bat gaitu du, soil-soilik industriala, euskal ekonomiaren motorra indartzeko eta etorkizunari begira berrindustrializazio-fase berri bati ekiteko.

Azken hilabetean, hainbat finantzaketa-programa aktibatu dira, presako abalak eta/edo zirkulatzailea emateko, enpresa txiki eta ertainei eta autonomoei zuzenduta. Oraingo honetan, eta Europar Batasunak krisi honetan baimendutako malgutasuna dela eta, Ekonomiaren Garapen eta Azpiegitura Sailak laguntza-lerro bat jaulki du Covid 19ak eragindako krisian dauden industria-enpresentzat.

Euskadiren izaera industriala indartzea

Eusko Jaurlaritzaren lehentasuna Covid-19ren hedapena eta pertsonen osasuna mugatzea bada ere, krisialdi honen ondorioak eragina izaten ari dira gure ekonomiaren ekoizpen-sektoreetan, eta gure industria, euskal gizarte osoarentzat enplegu- eta ongizate-iturri. Izan ere, Barne Produktu Gordinaren ia %25 da, eta enpleguaren %19.

Enpresak, beren langileen osasunean ere lehentasuna dutenak, jarduerarik gabeko aldiak izaten ari dira, salmenten edo eskaeren bolumena murrizten ari da edo hornidura-katea eteten ari da, eta horrek, besteak beste, likidezia-arazoak sor ditzake orain eta datozen hilabeteetan, funtzionamendua eta, kasu batzuetan, bideragarritasuna arriskuan jartzeko. Hori guztia salbuespenezko testuinguru batean, gerora sortua eta eremu globalean.

Enpresa horietako asko egoera horri aurre egiten ari dira doikuntza-neurriak abian jarrita, Covid-19ren hedapenak eragindako krisi globalaren ondorioek eragindako merkatuaren errealitate berrira egokitzeko ahaleginean, haien eragiketa- eta lan-kostuak murriztuz eta ekoizpen-ahalmena ordenatuz edo murriztuz. Hala ere, enpresa batzuen egokitzapena partziala baino ez da izaten ari, eta beste enpresa batzuek, beren egoera lehiakortasunaren ikuspegitik bideratzeko gai izan arren, desoreka operatibo (EBITDA) edo finantzario batzuk dituzte, epe ertain eta luzerako bideragarritasun-aukerak baldintzatzen dituztenak.

Eusko Jaurlaritzak, horrela, Covid-19k eragindako krisiak eragindako ondorio ekonomikoen aurkako borroka-prozesu honetan inplikatutako enpresek eta plantilek bere gain hartutako ahaleginetan laguntzeko asmoa du. Lehiakorrak izan daitezkeen enpresak edo jarduera-sektoreak finkatu nahi ditu; izan ere, produktua eta merkatua dutenez, egoera guztiz ohiz kanpoko, gerora sortutako eta eremu globaleko egoera baten ondorioak jasaten dituzte.

Europar Batasunaren testuingurua eta abala

Bideratu programa arrunta krisian dauden enpresei laguntzeko Europako araudiaren barruan kokatzen da, eta oso baldintza zorrotzetan zehazten da, esku-hartze publikoa Estatuaren laguntzatzat har ez dadin. Programa honi heldu diezaioketen enpresek galerak egiaztatu behar dituzte azken bi ekitaldietan, langileekin adostutako bideragarritasun-plan bat aurkeztu behar dute, eta enpresak administrazio publikotik injektatzen duen kopuru bera ematen dio kapitalari.

COVID19 industrian sortzen ari den salbuespenezko egoeraren aurrean, Europako Batzordeak joan den martxoaren 19an Covid-19ko krisiaren aurrean ekonomiari laguntzeko laguntzen aldi baterako esparrua onartu zuen. Esparru horrek arau-esparru berri bat ireki du ETE industrialak erreskatatu ahal izateko.

Diruz lagun daitezkeen ekintzak

Orain krisian sartzen diren enpresei laguntzak emateko aukera ematen du agindu berriak. Konpainiek urteko kutxa-fluxuaren aurreikuspena egingo dute, eta laguntzak aurreikusitako fluxu negatiboa konpentsatuko du, 800.000 €arteko mugarekin. Enpresak, orain ere,  bideragarritasun-plan bat aurkeztu beharko du, hobetzeko neurriak jasoko dituena, eta ezingo du langilerik kaleratu.

Eskaerak egiteko lekua eta epeak

Eskabideak aurkezteko epea bihar goizeko 09:00etan hasiko da, eta agindu honen bigarren ebazpen-zatian jasotako funts guztiak agortzen direnean amaituko da, edo 2020ko azaroaren 30eko 15: 00etan.

Informazioa: https://www.euskadi.eus/diru_laguntza/2020/bideratu-covid-19/web01-s2ekono/eu/

 

 

 

Iruzkin bat
  • 2020.eko apirilak 15

    Crear igualmente más trabajo a distancia o doméstico incluso, ya se ha visto como con pequeñas máquinas domésticas o impresoras 3D se pueden fabricar pequeñas cosas que pueden valer a la cadena de suministro. Favorecer igualmente el trabajo domèstico personas en riesgo de exclusión y en el trabajo doméstico promocionar la formación incluso en el mismo domicilio para superar brechas y desigualdades sociales se tienden a cronificar como que no se aprende a manejar recursos cuando ni siquiera se saben los disponibles en algunos casos suponemos. Como que la oferta estuviera cerca de la puerta de la casa o canal seguro internet y se desconoce haciendo viajes innecesarios.

Iruzkinak itxita daude dokumentu honetan
Ekitaldiko kargudunak