Berriak Turismoa, Merkataritza eta Kontsumoa

Turismo, Merkataritza eta Kontsumo Sailak COVID-19aren aurreko laguntza, neurri eta informazio praktiko guztien berri eman dio sektoreari

2020-04-07

Turismo, Merkataritza eta Kontsumo Sailak COVID-19ari aurre egiteko hainbat laburpen eta gida praktiko egin ditu aste hauetan, eta, aldizka, merkataritzaren eta turismoaren sektoreari bidali dizkio. Gainera, kontsumitzaileentzako gomendioak eta erantzunak ere prestatu ditu.

Dokumentuen artean (sektorekako eta erakundeen arteko bileren txostenak, protokolo espezifikoak, gomendioak…) enpresentzako eta autonomoentzako laguntzen bilduma bat dago, kontuan hartuta merkataritza-sarearen zatirik handiena enpresa txiki eta oso txikietan oinarritzen dela eta sektore turistikoak ere bere konturako langile ugari dituela.

Txikizkako 24.000 merkataritza-establezimendu baino gehiagoetatik eta Gizarte Segurantzako 82.000 afiliatuetatik 29.400 autonomoak dira. Turismoari dagokionez, jarduera turistikoekin lotutako enpresetan ia 107.000 afiliazio daude, eta horietatik 21.000 autonomoak dira.

Laguntzen dokumentuak Espainiako Gobernuaren 6/2020 Errege Dekretua, 8/2020 Errege Dekretua eta 11/2020 Errege Dekretua jasotzen ditu. Horrek, besteak beste, luzamendu bat ezartzen du Gizarte Segurantzarekiko betebeharren edo ohiko etxebizitzari eta jarduera garatzen den lokalari dagokion hipoteka-zorraren ordainketa-betebeharretan. Era berean, honako hauek ere azaltzen dira: hipotekaz kanpoko kredituen betebeharrak etetea; bonu soziala; Gizarte Segurantzarekiko zorrak atzeratzea; finantzatzeko KOI lerroak; eta elektrizitatea eta gasa hornitzeko kontratuak malgutzea; besteak beste.

Horrez gain, Eusko Jaurlaritzak hartutako neurriak zehazten dira, hala nola COVID-19rako Finantzen Euskal Institutuaren premiazko laguntzen ildoa; autonomo eta enpresaburu indibidualentzako laguntzak; euskal parke publikoko alokairuak salbuestea edo pentsio-planaren erreskateak egitea.

Aldundien neurriak ere jasotzen dira: zergen epeak luzatzea eta ordainketak atzeratzea; zerga-zorren zatikako ordainketak eta zatikatze berezia edo alokairuen ordainketa geroratzea. Sektorearen zalantza eta galderei dagokienez, Inklusio, Gizarte Segurantza eta Migrazio Ministerioaren gida praktiko bat gehitu da. Horrekin guztiarekin, Sailak sostengua eta laguntza eman nahi dio sektoreari, baita Elkargiren bidezko tramitazioarekin ere, eta haiekin zuzenean lankidetzan aritzen da.

3 iruzkin
  • 2020-04-07

    Turismo responsable una vez se adopten nuevas medidas y sostenible, cada vecindad puede participar en la medida de lo que pueda sin que con ello falte preventiva hay que protegerse con prioridad a la prevención.

  • 2020-04-07

    Habilitar igualmente más plataformas seguras de soporte informático personas con pocas habilidades digitales pueda haber brecha de participación no llegue a tiempo información necesaria.

  • 2020-04-07

    Fomentar igualmente el turismo local, conocer todos los rincones de los diferentes pueblos y de paso establecer canal de participación donde se recojan propuestas de mejora y/o denuncia primando la participación activa y guardando confidencialidad en caso necesario habilitando canales seguros y como siempre tomando medidas preventivas ahora vienen a notarse con más habitualidad nuevos tiempos se avecinan llevarlo al día a día sin olvido.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XI legealdia 2016 - 2020)