Eu

Euskadik merkaturatze-alternatiba bat eskaintzen dio lehen sektoreari, COVID 19aren krisialdiaren aurrean

2020.eko apirilak 01
  • Covid-19aren inpaktuaren aurrean, Eusko Jaurlaritzak, Hazi fundazioaren bidez eta foru-aldundien laguntzarekin, merkaturatze-alternatiba bat eskaintzen die orain itxita dauden tokiko azoketan haien ekoizpena merkaturatzen duten baserritarrei.
  • Alternatiba horren bidez, operadore handietarako banaketa-bidea zabaltzen zaie, hala nola Eroski S.Coop. (Eroski) eta Uvesco S.L. (BM) operadoreetarako.
  • Ekimen horrek beste aukera batzuk osatzen ditu, hala nola nekazaritza-produktuen on line salmenta, baimendutako espazioetan egiten diren tokiko azokak, eta Euskadiko eta sasoiko elikagaiak nahi dituzten kontsumitzaileei produktu horiek hornitzea ahalbidetzen duten beste formula batzuk.

Eusko Jaurlaritzak, hiru foru aldundiekin eta HAZIrekin batera, nekazaritza-produktuak biltzeko eta merkaturatzeko zerbitzu bat jarri du abian Euskadi osoan. Zerbitzuaren helburua da baserritarrei beren generoa merkaturatzen laguntzea, COVID19aren ondorioz tokiko azokak itxi baitzaizkie. Hartara, tokiko eta sasoiko produktuari irteera emango zaio, ohiko merkatuez bestelako banaketa-bide batzuk erabiliz, eta salmenten jaitsiera saihestuko da, produkzioaren bideragarritasuna zein bezeroen osasuna bermatuz.

Euskadiko nekazaritzako eta abeltzaintzako jarduera batzuk, eta, batez ere, baratzeetako ekoizpena, ondorio negatiboak jasaten ari dira COVID19aren ondorioz; bereziki, eraginpean daude haien fruituak azoken eta merkatuen bidez merkaturatzen dituzten ekoizleak eta haien genero freskoa Horeca kanalaren bidez merkaturatzen duten baratzezainak, eskaerarik gabe geratu baitira.

Produktu horri guztiari irteera emateko, eta produktu hori bilduko duen zerbitzua antolatzearen konplexutasunaren ondorioz, arlo horretako logistikan esperientzia duen Lurrarte Baserriko Uzta enpresaren laguntza izango dugu. Lurrartek, HAZIko teknikarien eta Euskadiko landa-garapeneko elkarteen laguntzarekin, antolatuko du banaketa-bide berri hori, betiere azokak antolatzen dituzten hiri eta herrietako udal-arduradunekin elkarlanean.

Harremanetarako puntuak dagoeneko martxan telefono eta whatsaap bidez

Baldintzak, jasotzen diren produktuak, beharrezko logistikaren ezaugarriak, prezioak edo bestelako gaiak argitzeko, baserritarrek 943693074 telefonora deitu ahal izango dute, astelehenetik ostiralera 8:00etatik 14:30era, edo 688643670 telefonoko whatsapp-era idatzi ahal izango dute (Erreferentzia: barazkien bilketa).

Lurrarte enpresarekin batera, Alberro eta Barrenetxe enpresak ere arduratuko dira produktua erosteaz eta merkaturatzeaz. Enpresa horiek, behin produktua jaso ondoren, Eroski S.Coop. (Eroski) eta Uvesco S.L. (BM) banaketa handiko operadoreetara bideratuko dute, elikagaiak xahutu ez daitezen eta hondakinen isurketak gehitu ez daitezen.  

Azken batean, ekimen horren bidez, osatzen dira Euskadi osoan egiten ari diren askotariko jarduerak —nekazaritza-produktuen on line salmenta, baimendutako espazioetan egiten diren tokiko azokak, eta abar—, eta bermatzen da tokiko eta sasoiko produktuak kontsumitu nahi dituzten kontsumitzaileei gure baserritarren produktuak hornitzen zaizkiela.

Bideoak: https://vimeo.com/402508270

 

7 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @4rvmUnai
    2020.eko apirilak 02

    Comentario de Twitter:
    RT @deiEJGV: 📌 Euskadi ofrece al sector primario una alternativa de comercialización ante la crisis del COVID19 ➡️ https://t.co/F8X2ppLI4u

  • @caba_del
    2020.eko apirilak 01

    Comentario de Twitter:
    RT @deiEJGV: 📌 Euskadi ofrece al sector primario una alternativa de comercialización ante la crisis del COVID19 ➡️ https://t.co/F8X2ppLI4u

  • 2020.eko apirilak 01

    Está bien impulsar redes de colaboración y venta con cierta seguridad ahora que se dice hay muchos intentos de estafa, procurar ese acceso seguro no suponga abuso de precios y llega donde más falta hace si fuera posible con una especie de bono sin amiguismos sino atendiendo al interés general.

  • @Sotavento
    2020.eko apirilak 01

    Comentario de Twitter:
    Irekia - Euskadi ofrece al sector primario una alternativa de comercialización ante la crisis del COVID 19 https://t.co/icfQ3IDiyl

  • @neikertecnalia
    2020.eko apirilak 01

    Comentario de Twitter:
    RT @deiEJGV: 📌 Euskadi ofrece al sector primario una alternativa de comercialización ante la crisis del COVID19 ➡️ https://t.co/F8X2ppLI4u

  • @BittorOroz
    2020.eko apirilak 01

    Comentario de Twitter:
    RT @deiEJGV: 📌 Euskadi ofrece al sector primario una alternativa de comercialización ante la crisis del COVID19 ➡️ https://t.co/F8X2ppLI4u

  • @AmundarainMikel
    2020.eko apirilak 01

    Comentario de Twitter:
    RT @deiEJGV: 📌 Euskadi ofrece al sector primario una alternativa de comercialización ante la crisis del COVID19 ➡️ https://t.co/F8X2ppLI4u

Komunikabideek behera kargatzeko
Ekitaldiko kargudunak
  • Arantxa Tapia Otaegi
    Ekonomiaren Garapena eta Azpiegituretako sailburua (XI legealdia)
  • Bittor Oroz Izagirre
    Nekazaritza, Arrantza eta Elikagaien Politikako sailburuordea (XI legealdia)
  • Asier Arrese Zabala
    Haziko zuzendaria, Eusko Jaurlaritzaren Fundazioa Landa, Isasertz eta Elikagaien sustapenerako (XI legealdia)