Berriak Osasuna

Osasun sailaren kontingentzia-planak COVID19ak jota dauden pazienteentzako ZIUko ohe kopurua bikoizteko aukera ematen du

2020.eko martxoak 24

307 positibo berri zenbatu dira eta dagoeneko 2.728 pertsona daude koronabirusarekin kutsatuta Euskadin; azken orduotan 13 lagun hil dira

 

Osasun sailak gauzatu eta iragan larunbatean Iñigo Urkullu Lehendakariak iragarritako Zaintza Intentsiboetako Unitateetarako (ZIU) kontingentzia-planaren edukia azaldu du gaur Nekane Murga Osasun sailburuak, COVID19aren bilakaeraren berri emateko egunero eskeintzen den agerraldian.

Murgak berak zuzendutako saila joan den urtarrilaz geroztik garatzen ari den ekimenen baitan kokatzen den plan honek COVID19ak jota dauden gaixoentzako ZIUko ohe kopurua bikoizteko aukera ahalbidetuko du. Hala, 4 jokaleku aurrikusten du, Euskadin bilakaera ez homogeneoa duen epidemiaren eraginaren araberakoak. 

-266 ohe, 2garren jokalekua.

-463 ohe, 3garren jokalekua, Araban egun bizi dena.

-550 ohe baino gehiago, 4garren jokalekua, zeinera Euskadi ez den heldu.  

Plan hau beste bik osatzen dute: ekipoak eskuratzeko planak, ohe guztiak beharrezko ekipamenduez hornitzeko; eta giza baliabideetako planak, unitateon pertsonala (medikuak zein erizainak) sendotzeko, elkarte zientifikoek gomendatzen dituzten ratioak mantentzen ahaleginduz, beti ere. Hala, Nekane Murgaren esanetan, “eremuak egokituz, teknologia eskuratuz eta profesionalak heziz, Osakidetzak ahalmena izango du COVID19ak jota dauden pazienteentzako ZIUko ohe kopurua bikoizteko”.

Sailburuak berriz ere goraipatu du osasun profesionalen lana. Horrez gain, azpimaratu du krisialdiaren hasieratik eszenario posiblerik onena lortzeko asmotan lan egin dela, baina aldi berean, aurrikus zitekeen okerrenerako prestatzen.

 

DATUAK EGUNERATUTA

Sailburuak emandako datuen arabera, Euskadin 307 COVID-19 kasu berri erregistratu dira. Hala, kutsatutakoak 2.728 dira guztira (horietatik 1.129 ospitalizatuta daude).

133 pertsona hil dira, dagoeneko, Euskadin, koronabirusaren eraginez, atzoko 20ak arte 13 heriotza gehiago izan ondoren

Lurraldeka:  

  • BIZKAIAN 1189 lagun daude kutsatuta, eta horietatik 635 ospitalizatuta.
  • GIPUZKOAN 453 positibo daude, eta horietatik 150 ospitalizatuta daude.
  • ARABAN, 1086 kasu zenbatu dira, eta horietatik 344 ospitalizatuta daude.

Orain arte, 7.646 detekzio-proba egin dira gurean. . 48 pertsona errekuperatu dira, eta 296 pertsonak jaso dute ospitaleko alta.

 

           . Martxoaren 24ko eguneratzea

Kasu positibo berriak

Pertsona ospitalizatuak

Hildako pertsonak

Kasu positiboak GUZTIRA

ARABA

77

344

73

1086

BIZKAIA

157

635

44

1189

GIPUZKOA

73

150

16

453

GUZTIRA EUSKADI

307

1129

133

2728

 

Txostenahttps://www.euskadi.eus/contenidos/informacion/boletin_coronavirus/es_def/adjuntos/23_marzo_Boletin.pdf                                                                       

 

Gasteiz, 2020ko martxoaren 24a

 

 

Oraindik ez dago iruzkinik
  • Zerbait esan nahi duzu?… iruzkindu albiste hau
Ekitaldiko kargudunak
(XI legealdia 2016 - 2020)