Eu

Turismo, Merkataritza eta Kontsumo Sailak guardiako ostatu-establezimenduen sarea sortu du funtsezko oinarrizko zerbitzuetako langileen beharrei erantzuteko.

2020.eko martxoak 23

Eusko Jaurlaritzako Turismo, Merkataritza eta Kontsumo Sailak guardiako ostatu-establezimenduen sarea sortu du. Hartara, ostatu-establezimendu horiek ateak ireki ahal izango dizkiete funtsezko oinarrizko zerbitzuetako langileei (garraiolariei, garbiketa edo desinfekziorako lekualdatutako langileei, eta abar), baldin eta une jakin batean ostatu hartu behar badute.

Osasun Ministerioak, 257/2020 Aginduaren bidez, turismo-ostatuko establezimenduak ixtea agindu zuen, salbuespen batzuk izan ezik. Ondoren, Turismo Sailak Turismoaren Sektoreko Konferentzian parte hartu du ministroarekin eta Estatuko idazkariarekin, baita gainerako autonomia-erkidegoekin batera ere, eta hainbat harreman izan ditu Industria, Merkataritza eta Turismo Ministerioarekin, langile horiei arreta emateko ireki ditzaketen guardiako hotel batzuk ezartzeko.

Sonia Pérez Ezquerra sailburuak azaldu duenez, aukeraketa horretan “Euskadiko Hotel eta Ostalaritza Elkarteekin elkarlanean jardun du”. Hauek dira hautatu diren hotelak, baina zerrenda handitu ahal izango da:

BIZKAIA

Ercilla hotela

Bilboko Santiago apartamentu turistikoak

Abba Suites Bilbao City Center Bilbao (apartamentuak)

ARABA

Jardines de Uleta hotela

Ruta de Europa hotela

GIPUZKOA

Legazpi ostatua

HK10 hotela

Arima apartamentuak

 

Apopiloak izan ditzaketen ostatuak

257/2020 Aginduak, gainera, zenbait salbuespen zehazten du, guardiako ostatuez gain. Salbuespen horien bidez, establezimendu turistikoak jendearentzat irekita egon daitezke, baldin eta bezeroak, alarma-egoera deklaratu zen unean, modu egonkorrean ostatu hartuta badaude eta sasoiko ostatu hartuta badaude, betiere okupatzaileek premia biziko jarduerak egin ahal izateko azpiegiturak badituzte beren bizitoki-espazioetan.

Hori dela eta, establezimendu horiek azpiegituretako langileak edo lekuz aldatutako langileak, adibidez, hartu ahal izango dituzte.

Turismo, Merkataritza eta Kontsumo Saila, halaber, beste erakunde batzuekin elkarlanean ari da eta sektoreari etengabe aholkuak eta informazioa ematen ari zaio, Covid 19aren ondorioei ahalik eta eraginkortasun handienarekin aurre egiteko. Horretarako, informazio-postontzi bat jarri du sektorearen eskura.

Covid19ari buruzko sektorearentzako informazioa:

Turismoa:

secretaria.turismo@euskadi.eus

 

Merkataritza:

dico@euskadi.eus

 

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • 2020.eko martxoak 24

    Reinventarse, mover el capital con trabajo preventivo y con criterios de sostenibilidad, el caso es que a los niveles de contaminación pueden llegar más enfermedades luego tendremos que ir acostumbrándonos limitando el impacto de cada hogar, se pueden aplicar ahora con más razón impuestos ambientales y compras basadas en el impacto y huella ambiental dejan. Medir bien facilitar medios de medida, cobrar tasa incluso de desperdicio no se puede tirar por tirar.

Komunikabideek behera kargatzeko
Ekitaldiko kargudunak