Berriak Hezkuntza
Eu

Covid-19: Hezkuntza Sailaren jakinarazpena

2020.eko martxoak 16

Hezkuntza Sailak, COVID-19k eragindako osasun publikoko larrialdi-egoeraren aurrean, honako erabaki hauek hartu ditu:

Jantokirako bekak: Eskola jantokiak erabiltzen dituzten ikasleentzat aurreikusitako laguntzei eutsiko die Hezkuntza Sailak. Horretarako baldintzak betetzen dituzten familiek ezarritako zenbatekoa jasoko dute. Hezkuntza Sailak eskabideen zati bat ebatzi eta ordaindu du dagoeneko; oraindik jakinarazi gabe daudenek erreklamazioak egiteko beste epe bat izango dute. Ebazteke daudenak jakinarazi ondoren, beste epe bat zehaztuko da sor daitezkeen erreklamazioetarako.

Jantokiko kuotak: Familiek ez dute jantokiko kuota ordaindu beharrik izango, aurrez aurreko hezkuntza-jarduera etenda dagoen aldian. Familiaren batek jarduerarik gabeko aldiari dagokion kopururen bat ordaindua balu, zenbateko hori itzuli egingo zaio.

Ebaluazio diagnostikoak. Egungo egoera dela eta, ikasturte honetarako hasieran aurreikusitako ebaluazio diagnostiko guztiak eten dira.

Amarauna web semantikoa. Unibertsitateaz kanpoko etapetako irakasleei zuzendutako plataforma semantiko berria da, hezkuntza-eduki digitalak sortzeko eta partekatzeko. Amarauna gunean bildutako edukiak publikoak izango dira, irakasleek zein familiek edo interesa duen edonork deskargatu ahal izango dituzte. Hezkuntza Sailak denbora zeraman tresna hori amaitzen, baina, egungo egoera ikusita, garrantzitsutzat jo da tresna honen garapena bizkortzea eta martxan jartzea. Saileko arduradunek jarraipen berezia egingo diote gunearen abiarazteari, edozein gorabehera teknikoren aurrean esku-hartu ahal izateko.

Lanbide Heziketa: Lantokiko Prestakuntza. Lantokiko praktikak eten egingo dira, Lanbide Heziketako titulua lortzeko behar diren praktika-orduen kopurua berreskuratuko da.

Lan-kontratuko hezkuntza-langileak. Lan-kontratudun hezitzaileek ere etxetik egin ahal izango dute lan profesionala, baldin eta zentroko zuzendaritzak horretarako baimena ematen badu, beharrezko euskarri teknikoa badute eta zerbitzua bermatzen bada.

Administrazio-prozedurak etetea. Izapideak egiteko aldez aurretik ezarritako zenbait epe eten edo/eta atzeratuko dira, besteak beste:

  • 2020ko EPE. Onarpenak eskatzeko epeak. Epe berriak iragarriko dira.
  • Ikuskaritzako EPE. Bigarren azterketa eten da. Dataren berri emango da.
  • Hautagaien zerrendaren birbaremazioa. Epe berriak iragarriko dira.
  • Lekualdatze-lehiaketa. Epe berriak jakinaraziko dira.
  • Plaza berezien lehiaketak. Epe berriak jakinaraziko dira.
  • Hezkuntza-itunak eskatzea. Epe berriak jakinaraziko dira.
2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • 2020.eko martxoak 22

    Me gustaría que se plantease una solución alternativa para las FTC. Está claro que estamos ante una situación excepcional, pero deberían tener en cuenta que mucha gente mayor de 30 cursamos FP, en mi caso con intención de hacer en septiembre un grado superior. No sé puede buscar una solución que no suponga la pérdida de todo un año escolar? Por ejemplo un proyecto de nuestros profesores o varias prácticas para poder convalidar las FTC? Creo que se puede encontrar una solución que no perjudique tanto a los cursos que estamos realizando FTC.

  • 2020.eko martxoak 18

    Como alimentamos a nuestros hijos los que tenemos becas del comedor.??Es un gasto que en principio ya tenemos cubierto y que ahora debemos hacer frente. En cataluña les están dando tarjetas monedero con el importe del menú diario por los días que dura la suspensión de clases, ademas ahora con el confinamiento y sin saber si cobraremos y cuando al no poder trabajar, no todas las familias podemos hacer frente al gasto que supone alimentar con una dieta equilibrada a nuestros hijos. Cual es la solución que proponéis? Porque yo solo veo que la solución es para los que no tienen becas, que resulta obvio que no tengan que pagar si no hay comedor.

Komunikabideek behera kargatzeko