Eu

Ogasun eta Ekonomia Sailak 2020ko Diru-laguntzen Plan Estrategikoa onartu du (Gobernu Bilera 2020-03-10)

2020.eko martxoak 10

Gobernu Kontseiluak, Ogasun eta Ekonomiako sailburuak proposatuta, Ogasun eta Ekonomia Sailaren 2020ko Diru-laguntzen Plan Estrategikoa onartu du gaurko bileran.

Planak Finantza Politikako Zuzendaritzaren eta Ekonomia eta Plangintza Zuzendaritzaren diru-laguntzak jasotzen ditu.

Planak, nolanahi ere, Ogasun eta Ekonomia Sailak finantza-politikaren, finantza-erakundeekiko harremanen, bermeen prestazioaren, aseguru-bitartekaritzako jardueraren kontrolaren, gizarte-aurreikuspeneko entitateen eta eskualde-politikaren arloetan esleituta dituen eskumenei jarraikiz kudeatzen dituen diru-laguntzak biltzen ditu.

Diru-laguntzaren kontzeptuaren barruan, gauzazko laguntzak biltzen ditu Planak, hala nola sariak (onuradunak aldez aurretik eskatu gabe ematen direnean izan ezik) eta pertsonaren jarduerei lotuta ematen diren beste laguntza batzuk.

Sailak sustapen-jardueraren bidez bete nahi dituen helburuak askotarikoak dira, hainbat eskumen-eremu baititu esleituta:

  • 000 euroko diru-laguntza Euskadiko Borondatezko Gizarte Aurreikuspeneko Erakundeen Federazioarentzat, haren funtzionamendurako eta beste sustapen-funtzio batzuetarako.
  • 000 euroko diru-laguntza Borondatezko Gizarte Aurreikuspeneko Erakundeentzat, enplegu-modalitateko lehentasunezko BGAE berrien eraketa bultzatzeko.
  • 000 euroko diru-laguntza Euskadiko Bitartekarien Kontseiluari prestakuntza-ikastaroak antolatzen eta bitartekaritza eta Euskadiko Bitartekarien Erregistroa sustatzen laguntzeko.
  • ETEek eta enpresaburu indibidualek Luzaro EFCren bidez inbertsio-eragiketetarako finantzaketa lortzeko aukeraren sustapena (1.290.000 euroko zenbateko batez).
  • Elkar bermatzeko sozietateek bazkideen (ETEen edo enpresaburu indibidualen) finantzaketa lortzeko aukera errazten duten entitate mutualista gisa egiten duten jarduera bultzatzea eta fidantzamendu gehigarria ematea enpresek genero-berdintasunerako planei lotutako betekizun jakin batzuk betetzen dituztenean (3.847.000 euroko zenbateko batez).
  • 000 euroko diru-laguntza “Non ikusten duzu Europa Euskadin?” argazki-lehiaketaren IX. ediziorako. Lehiaketaren helburuak honako hauek dira: EAEko lurraldeko garapen ekonomikoa bultzatzen duten inbertsio-jarduerak, proiektuak eta ekimenak finantzatzen dituen EGEF funtsaren eskualde-garapeneko parte-hartzea EAEko gazteei ezagutaraztea, Europari lotutako alderdien eta gaien inguruko interesa piztea, eta sare sozialen erabilera –Europako hedabide berri gisa– eta sare horiek gazteen artean sortutako egitura finkatzea.

Ogasun eta Ekonomia Sailaren 2020ko Diru-laguntzen Plan Estrategikoaren dokumentu osoa Sailaren webgunean egongo da eskuragarri:

https://www.euskadi.eus/gobierno-vasco/departamento-hacienda-economia/

 

 

 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko