Eu

Kimuak 2019 aukeraketako film laburren lehen emanaldi publikoak, ostegunetik aurrera

2020.eko otsailak 24

Datozen osteguna 27an eta larunbata 29an, Kimuak 2019 aukeraketaren publikoari irekitako lehen emanaldiak egingo dira Donostian eta Bilbon, hurrenez hurren.

Etxepare Euskal Institutuak Euskadiko Filmategia Fundazioaren laguntzarekin antolatutako Kimuak programak, euskal film laburren sustapena eta banaketa du helburu. Azkeneko katalogo honetan jasotako lanak honakoak dira: Josu Venero eta Jesus Mari Lazkanoren ARTIKO, Raúl de la Fuenteren EL INFIERNO, Jesús María Palaciosen LABO, Ion de Sosa eta Chema García Ibarraren LEYENDA DORADA, Izibene Oñederraren LURSAGUAK, Aitor Arregi eta Jose Mari Goenagaren MATEOREN AMA eta Ainhoa Gutiérrez del Pozoren MEDVEDEK.

Film labur sorta honek pasa den Donostiako Zinemaldian hasi zuen ibilbidea, eta orduz geroztik mundu osoko 170 jaialditan hartu du parte. ZINEBI, Berlinale, BAFICI, Palm Springs, SEMINCI, Hong Kong, Bogoshorts, Black Canvas eta Warsaw bezalako zinemaldietan erakutsi ostean, publiko zabalari zuzendutako lehen proiekzioak izango dira aste honetakoak, eta egileak bertan izango dira beraien lanak aurkezteko.

Ostegunean Donostiako Tabakaleran egingo da proiekzioa, arratsaldeko 19:00etan, eta larunbatean Bilboko Arte Ederren Museoan, ordu berean. Sarrerak salgai daude jada bi zentroetako webgune eta leihatilatan.

 

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @CamiladeEpalzaA
    2020.eko otsailak 24

    Comentario de Twitter:
    RT @Irekia: 🎞 Kimuak 2019 aukeraketako film laburren lehen emanaldi publikoak, ostegunetik aurrera ➡︎ https://t.co/7t6hZIX3cB

  • @CamiladeEpalzaA
    2020.eko otsailak 24

    Comentario de Twitter:
    RT @Irekia: 🎞 Este jueves comienzan las primeras proyecciones públicas de la selección Kimuak 2019 ➡︎ https://t.co/tqoFl45MWF

Ekitaldiko kargudunak