Zaldibarko zabortegiaren eraispenari buruzko koordinazio eta jarraipen mahai teknikoaren bilera ospatu da gaur, otsailak 21
Iñaki Berraondo Osasun sailburuordeak eta Ernesto Martinez de Cabredo Uraren Euskal Agentziako zuzendari nagusiak Zaldibarko zabortegiaren inguruko ekintzen azken ordua eman dute.
Ernesto Martínez de Cabredo Uraren Euskal Agentziako zuzendari nagusiak, zabortegiaren goiko aldean su-foku bat berpizteari buruz, berretsi du sutea kontrolpean dagoela eta ohikoa dela hondakindegietako suteetan berpizte-egoera hori gertatzea. "Zabortegiko sua berpiztea lan taldeak aurreikusita zuen egoera bat zen. Hori dela eta, erreten iraunkor bat dago hondakindegian, erreaktibazio posibleak zaintzeko eta kontrolatzeko ", adierazi du. Ildo horretan, prebentzio eta kontrol neurriak daudela azpimarratu du.
Bestalde, Iñaki Berraondo Osasun sailburuordeak adierazi duenez, sute aktiboko egoeretan, gaur gauekoa bezalakoetan, leihoak ez irekitzea eta ariketa fisiko bizia ez egitea gomendatzen da Ermuko San Lorenzo auzoan. Sailburuordeak lasaitasun mezua helarazi du, neurri horiek prebentziozkoak baitira sutea itzali arte.
