Berriak Osasuna
Eu

Eusko Jaurlaritza autonomia erkidegoekin koordinatuta jarduteko prest agertu da prebentzioaren arloan eta sor litezkeen koronabirus kasuen aurrean jardutean

2020.eko otsailak 04

Euskadi Lurralde arteko Kontseiluan izan da gaur, koronabirusaren epidemiari buruzko ezagutza trukatzeko eta Osasun Sailek egoeraren jarraipen koordinatua egiteko.

 Osasun sailburuak, Nekane Murgak, lasaitasun mezua zabaldu du berriro, gaur egun ez baitago infekzio kasu bakar bat ere Euskadin. Gainera, gaineratu du Euskadik baduela jarduteko protokolo bat, eta erakutsi duela gai dela Osasun Publikoa Osakidetzarekin koordinatzeko, bai eta arrisku-kasuak garaiz identifikatzeko ere.

Koronabirusaren aurreko lasaitasun-mezu hau hurrengo bi ideietan oinarritu du sailburuak: alde batetik, Euskadin kutsatutako pertsonen kasurik ez egotea; eta bestetik, Euskal Osasun Zerbitzuaren eta Osasun Publikoko teknikarien lanaren indarrean. Azken hauek koordinatuta daude eta protokoloa komunitate zientifikoak eskaintzen dituen ekarpenetara egokitzen ari dira.

Osasun sailburu Nekane Murgak Osasun Sistema Nazionalaren Lurralde arteko Kontseiluaren amaieran azaldu duen bezala, Ministerioak osasun-arloko arduradun autonomiko gorenei dei egin die 2019-nCoV birusak eragindako izurritearen egoerari buruzko informazioa trukatzeko, eta, bertan, koordinatuta egotearen eta komunikazioa indartzearen garrantzia nabarmendu da. Bileran, sailburuak adierazi du Eusko Jaurlaritzak gainerako autonomia-erkidegoekin lankidetzan aritzeko eta koordinatzeko borondatea duela, balizko kasu baten prebentzioan, detekzioan eta jarduketan.

Horrez gainera, koordinazio-talde bat eratu da eskuera dagoen informazio guztia zentralizatzeko eta jarduteko jarraibideak emateko. “Helburua da ahalik eta ongien prestatuta egotea jardun behar izanda ere”, erantsi du sailburuak.

Bestalde, Osasun Sailak eta Osakidetzak berretsi dute garrantzizkoa dela neurri sinple batzuk hartzea ez kutsatzeko, eta gogoratu dute gripearen aurrean hartu behar diren neurri berberak direla:

  • Eskuak urarekin eta xaboiarekin garbitzea.
  • Eztul edo doministiku egitean ongi estaltzea ahoa eta sudurra besoarekin edo zapi batekin, arnas jariakinik ez zabaltzeko.
  • Ahal dela, erabili eta botatzeko mukizapiak erabiltzea zintz egiteko, eta erabili bezain laster botatzea.
  • Larrialdietara edo EAGra joan behar izanez gero, babes-maskarak erabiltzea.

 

Azkenik, Osasun sailburuak errespetua eskatu du Txinako komunitatearekiko, eta tratu diskriminatzailea saihesteko, ez baitago justifikatuta kutsatzeko arrisku handiagoa egoztea.

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • 2020.eko otsailak 04

    Seguir evolución en origen, parece tiene poca fuerza pero no fiarse y equipar a los equipos de seguridad y personal sanitario y en puestos de atención pública, de por lo menos un kit de emergencias que suele venir en los planes de autoprotección obligatorios percatarse no falte. En lugares de concurrencia pública disponer de punto de emergencia preparado igual de que se dispone de puntos para el desfibrilador, con material necesario, habitualmente suele haber en la garita de servicios, si estuviera cerrada disponer personal en contacto pueda suministrar en tiempo prudencial una vez permanece personal afectado en punto de control con las precauciones y distancias prudenciales sin causar alarma ya que de momento parece tiene el patógeno poca fuerza fuera de su hábitat de propagación. Vigilar eso de las heces si se prueba el contagio por las mismas por si haya animales o insectos puedan extender infección aunque con pocas posibilidades parece, no bajar la guardia sin alarmarse manteniendo la calma para no empeorar las cosas y convertirse el pánico en un factor de propensión más colapsando servicios sanitarios donde puede haber más riesgo de contagio.

Ekitaldiko kargudunak