Eu

Beatriz Artolazabal sailburuak ELA eta LAB sindikatuen arduragabekeria azpimarratu du Gizarte Elkarrizketako Mahaian ez egoteagatik

2020.eko otsailak 05
  • Eusko Jaurlaritzak plan eta proiektu guztietan lanean jarraitzen du, aurrekontuak onartuta eta ekimen asko gauzatuz

Beatriz Artolazabal Eusko Jaurlaritzako Enplegu eta Gizarte Politiketako sailburua elkarrizketatu dute gaur goizean Onda Vasca irratian. Bertan, Gizarte Elkarrizketako Mahaiarekin, urtarrilaren 30eko greba orokorrarekin, lehendakariak planteatutako hausnarketarekin edo enpleguarekin zerikusia duten hainbat gairi buruz galdetu diote.

Enplegu eta Gizarte Politiketako sailburuak Onda Vasca irratiari gaur goizean eskainitako elkarrizketan azpimarratu du, atzo egindako Elkarrizketa Sozialerako Mahaian langileen egoera hobetzen lagundu nahi duten gizarte-eragileen arteko lan-bateratua nabarmendu zela, ELA eta LAB sindikatuak egon ez ziren mahaian. "ELA eta LAB ez daude Elkarrizketa Sozialerako Mahaian, ez dutelako nahi", adierazi du. Sailburuak azpimarratu du ez datorrela bat oposizioko sindikatu eta talde batzuen katastrofismoarekin, eta, aldi berean, elkarrizketa sozialeko mahaietara joaten ez direnen arduragabekeria azpimarratu du.

Urtarrilaren 30eko greba orokorraren aurrean, Beatriz Artolazabalek berretsi du greba "neurrigabea eta justifikaziorik gabea" izan zela. Egiten dituzten planteamenduei erantzuteko deitzaileek ezarritako bi hilabeteko epeari dagokionez, Enplegu eta Gizarte politiketako sailburuak adierazi du ELAk eta LABek iragartzen duten udaberri gorriak mehatxu itxura duela, eta mehatxu horiek aurrera egiten laguntzen ez duten iraganeko garaiak gogorarazten dituztela.

Grebaren inguruan izandako istiluei dagokienez, Artolazabalek gaitzetsi egin ditu pikete kaputxadunek Lanbideren bulegoetan grebaren aurretik egindako ekintza bandalikoak. "Elkartasuna adierazi nahi diot eraso egin dioten segurtasun zaintzaileari, lesio larriak izan baititu femur haustura batekin, eta gutxienez hilabete egon beharko du bajan. Ekintza bandaliko horiei gaitzespen argia eskatzen diet ", adierazi du.

Lehendakariak Eusko Jaurlaritzako sailburuei eskatu zien egoera politiko eta instituzionalari buruzko hausnarketari dagokionez, Beatriz Artolazabal sailburuak argi utzi du hauteskundeak deitzea lehendakariaren erantzukizun esklusiboa dela, eta zehaztu du "plan eta proiektu guztietan jarraitzen dugu lanean, onartutako aurrekontu batzuekin eta ekimen asko gauzatuz".

Enpleguaren arloan, Artolazabal sailburuak gogorarazi du legealdiaren hasiera egoera zailetik abiatzen bazen ere, Jaurlaritzak langabezia-tasara% 10etik behera jaisteko helburua bete duela. Zehazki, urtarrileko langabeziari buruzko datuak aipatuta, sailburuak nabarmendu du, urtarrileko datuak negatiboak izan arren, aurreikuspenak positiboak direla eta enplegua sortzen jarraituko dela, erritmo txikiagoan bada ere. Era berean, Artolazabalek adierazi du enpleguaren kalitatearekin eta kontratu berrietan behin-behinekotasunarekin kezkatuta dagoela; hala ere, EAEko kontratuen % 85 baino gehiago mugagabeak direla nabarmendu du.

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @Gob_eus
    2020.eko otsailak 05

    Comentario de Twitter:
    🔵 Beatriz Artolazabal sailburua elkarrizketatu dute gaur goizean @ondavasca irratian ➡︎ https://t.co/aqLBnMCDtjhttps://t.co/Mf27KaRwTJ

  • @Gob_eus
    2020.eko otsailak 05

    Comentario de Twitter:
    🔵 La consejera Beatriz Artolazabal ha sido entrevistada esta mañana en @OndaVasca ➡︎ https://t.co/qcle06IDtc

    📌 Te… https://t.co/V4oZHmt8P2

Ekitaldiko kargudunak